മുന വെച്ചത്...

പള്ളിപ്പാട് എന്ന എന്‍റെ ഗ്രാമം

2010-06-27T22:30:00.001-04:00

ഗ്രാമങ്ങളിലാണ് ഭാരതത്തിന്‍റെ ആത്മാവ് കുടി കൊള്ളുന്നതെന്ന് പറയാന്‍ ഒരു ഗാന്ധി നമുക്കുണ്ടായതില്‍ നമുക്കഭിമാനിക്കാം. ഗ്രാമങ്ങളിലെ ആ ആത്മാവ് തിരിച്ചരിയപ്പെടുന്നുണ്ടോ എന്ന് മാത്രം നാം ആശങ്കപെടേണ്ടതുള്ളൂ. ആത്മാവ് നഷടപെട്ട ഗ്രാമങ്ങള്‍ ആത്മാവ് തേടി അലയുമ്പോള്‍, അതിനു വേണ്ടി ഒരു ശ്രമവും നടത്തുവാന്‍ കഴിയാതെ നമ്മള്‍ {എല്ലാരും അങ്ങയല്ല താനും} ഗ്രാമവാസികള്‍ നഗര പ്രാന്തങ്ങള്‍ തേടി പോകുന്ന കാഴ്ച അല്പം വേദനയോടു കൂടി മാത്രമേ കാണാന്‍ കഴിയു. അതിനു കാരണം എന്താണ്..? ഗ്രാമവാസികള്‍ എല്ലാം അത്ര നല്ലവരല്ല എന്നുള്ളതോ, അതോ ഗ്രാമത്തില്‍ ജീവിക്കുന്നതിനേക്കാള്‍ ഭേദം നഗര ജീവിതം തന്നെ അഭികാമ്യം എന്ന നവീനമായ തിരിച്ചറിവോ...? നഗരതതിലെക്കൊതുങ്ങിയാല്‍ കണ്ട അലവലാതികളെ (അങ്ങനെ പറയാമോ എന്നറിയില്ല / ബന്ധു ജനവും പെടും അതില്‍ എന്നോര്‍ക്കണം) കാണാതെ കഴിയാമല്ലോ എന്നുള്ളതുമാകാമല്ലോ..?

പക്ഷേ, എന്‍റെ ഗ്രാമവാസികളില്‍ അധികവും ഈ ഒരു അപവാദത്തിനു പുറത്ത് നില്‍ക്കുന്നവരാണ്. അവര്‍ ഇപ്പോഴും നാട്ടുമ്പുറത്ത്കാരായി സ്വയം ഒതുങ്ങി അവരുടെ നിത്യ വരുമാനത്തിലൂടെയും വിദേശത്ത് നിന്നും വിയര്‍പ്പ് അപ്പമായി കിട്ടുന്ന കാശ് കൊണ്ടും അടങ്ങി ഒതുങ്ങി കഴിയുന്നവര്‍ ആണ് എന്ന് പറയുന്നതില്‍ എനിക്ക് ഇത്തിരി അഹങ്കാരം കലര്‍ന്ന ഗമ ഉണ്ടന്നു കരുതിക്കോളൂ. ഞാനും ഒരു വിദേശി ആയി കഴിയുന്നു എങ്കിലും എന്‍റെ മനസ്സും ശരീരവും ഇപ്പോഴും എന്‍റെ ഗ്രാമത്തിന്‍റെ ഇടവഴികളില്‍ തന്നെയാണ്. അതെന്താണന്നു ചോദിച്ചാല്‍ എന്‍റെ ജീവനും പരാത്മാവും എല്ലാം അവിടെയാണ്. അവിടെ നിന്നും ലഭിക്കുന്ന ആത്മീക സുഖം അത് ലോകത്ത് മറ്റൊരിടത്ത് നിന്നും എനിക്ക് സ്വായത്തമാക്കാന്‍ കഴിയാത്തത് കൊണ്ട് കൂടി ആവാം , അല്ലെങ്കില്‍ അത്തരമൊരു തോന്നല്‍ മനസ്സില്‍ രൂപപെട്ടിരിക്കുന്നതിനാലാവും അതുറച്ചു മനസ്സില്‍ തന്നെ കുടി കൊള്ളുന്നത്‌.

ആലപ്പുഴ ജില്ലയിലെ ഹരിഗീതപുരം എന്ന ഹരിപ്പാടിനടുത്ത ( ഹരിപ്പാട്‌ സുബ്രമണ്യ സ്വാമി ക്ഷേത്രവും, മണ്ണാറശാല നാഗരാജക്ഷേത്രവും ഇവിടെയാണ്‌) പള്ളിപ്പാട് എന്ന ഹരിത മനോഹരമായ അപ്പര്‍ കുട്ടനാടന്‍ ഗ്രാമമാണ് എന്‍റെ ജന്മ നാട്. നിറയെ പുഞ്ച പാടങ്ങളും, വര്‍ഷകാലത്ത് കരകവിഞ്ഞൊഴുകുന്ന അച്ചന്‍ കോവിലാറും എന്‍റെ നാടിന്‍റെ മാത്രം സൌന്ദര്യദൃശ്യം എന്നവകാശപെടാന്‍ ഏതൊരു പള്ളിപ്പാട്ടുകാരനും അവന്റെതായ അവകാശമുണ്ട്‌. ഹരിപ്പാട്ടു നിന്നും കിഴക്കോട്ടു അഞ്ചു കി.മീ.യും , മാവേലിക്കരയില്‍ നിന്നും പത്ത് കി.മീയും, കായം കുളത്ത് നിന്നും ഇരുപത്തിരണ്ടു കിമീയും യാത്ര ചെയ്‌താല്‍ എന്‍റെ ഗ്രാമത്തില്‍ എത്തിച്ചേരാം. റോഡു മാര്‍ഗ്ഗമുള്ള യാത്രയില്‍ നിങ്ങള്‍ അല്പം അസ്വസ്ഥനായെക്കാം. ഏതൊരു ഗ്രാമത്തെ പോലെ, എന്‍റെ ഗ്രാമവും അവിടെയും ഇവിടെയും കുണ്ടും കുഴിയും നിറഞ്ഞ നിരത്തുകള്ലാല്‍ സമ്പന്നം എന്നുള്ളത് വേദനയോടു കൂടി തന്നെ പറയുകയാണ്‌. ഭൂമി ശാസ്ത്രപരമായ അവസ്ഥ നാം കാണാതെ പോകരുത്. വര്‍ഷകാലത്തും, കര്‍ക്കടകത്തിലും നിറഞ്ഞു പൊങ്ങുന്ന പുഞ്ച പാടങ്ങള്‍ക്കൊപ്പം റോഡും നികന്നു പോകുക സ്വഭാവികമായി സംഭവിക്കുമ്പോള്‍ റോഡിന്‍റെ അവസ്ഥ പരിതാപകരമായില്ലങ്കിലെ അത്ഭുതം കൂറെണ്ട കാര്യം ഉള്ളു. എന്നാലും കെട്ടി കിടക്കുന്ന മഴവെള്ളം ഒലിച്ചുപോകുവാന്‍ ഓട നിര്‍മ്മാണം നടത്തുകയും അത് വേണ്ടും വിധം പരിപാലിക്കുകയും ചെയ്യുകയാണെങ്കില്‍ കുറച്ചു അവസ്ഥയ്ക്ക് മാറ്റം ഉണ്ടാകും എന്ന് തന്നെ ഈയുള്ളവന്‍ പറയുവാന്‍ ആഗ്രഹിക്കുന്നു.

നാനാ മത-ജാതിയില്‍ പെട്ടവര്‍ ഒത്തൊരുമയോടെ പരസ്പരം സഹായിച്ചു ജീവിക്കുന്നത് കാണുമ്പോള്‍, എല്ലാമുണ്ടായിട്ടും ഒന്നുമില്ലാത്തത് പോലെ അന്യ സ്ഥലങ്ങളില്‍ ജീവിക്കേണ്ടി വരുന്നവരുടെ കാര്യത്തില്‍ സഹതാപിക്കുകയല്ലേ നിവൃത്തിയുള്ളൂ. പള്ളിപ്പാടിന്റെ സാംസ്കാരികമായ വളര്‍ച്ചയ്ക്ക് എന്നും നിദാനമായിട്ടുള്ള (എന്‍റെയും) ഗാന്ധിജി സ്മാരക ഗ്രന്ഥശാല നഗരജീവിതത്തില്‍ കിട്ടാത്ത ഒരു ഹൃദയ തുടിപ്പ് തന്നെയാണ്. ഗാന്ധിജിയുടെ ചിതാഭസ്മത്തില്‍ നിന്നും ശേഖരിച്ച ഭാസ്മത്താല്‍ സ്ഥാപിതമായ പരിപാവനമായ ഗ്രന്ഥശാല ഇന്നും നല്ല നിലയില്‍ പ്രവര്‍ത്തിക്കുന്നു എന്നത് തന്നെ ഇവിടുത്തുകാരുടെ കൂട്ടായ്മയുടെ ചിത്രം വ്യക്തമാക്കുന്നു. ഇരട്ടകുളങ്ങര ദേവീ ക്ഷേത്രം, അരയാകുളങ്ങര ദേവീ ക്ഷേത്രം, മണക്കാട് ദേവി ക്ഷേത്രം, പുല്ലംബട ദേവീ ക്ഷേത്രം, തളിക്കല്‍ ദേവീ ക്ഷേത്രം, പള്ളിപ്പാട് സെന്‍റ് തോമസ്‌ മാര്‍ത്തോമ്മ വലിയ പള്ളി (ഈയുള്ളവന്‍റെ സ്വന്തം പള്ളി. മാമോദീസാ മുക്കിയതും, വിബിഎസ്സു പഠിച്ചതും, ഒടുവില്‍ വിവാഹിതനായതും ഇവിടെ വെച്ച്), ചെറിയ പള്ളി, സെന്‍റ് ജോര്‍ജ് ഓര്‍ത്തഡോക്സ് ചര്‍ച്ച്, സി എസ.ഐ ചര്‍ച്ച്, ആഞ്ജലി മൂട്ടില് സ്ഥിതി ചെയ്യുന്ന കാതോലിക്ക പള്ളി എന്നിവ മത സാഹോദര്യത്തിന്റെ വ്യകത കാട്ടി തരുന്നു.

എന്‍റെ ഗ്രാമത്തിലെ പ്രധാന കേന്ദ്രങ്ങള്‍ ( ചെറുപ്പക്കാര്‍ സമയം കളയാനായി, വൈകുന്നേരങ്ങളില്‍ ഒന്നിച്ചു കൂടുന്ന സ്ഥലങ്ങള്‍) അനവധി നിരവധിയാണ്. അവയില്‍ പ്രധാനമായവ പള്ളിപ്പാട് ചന്ത തന്നെ. പ്രധാനവും വാണിജ്യ പരവുമായ കാര്യങ്ങള്‍ക്ക് ഞങ്ങള്‍ ഒറ്റയടിക്ക് കാര്യങ്ങള്‍ സാധിക്കണമെങ്കില്‍ ചന്തയില്‍ തന്നെ പോകണം എന്ന് പറയും. പിന്നീട്, അമ്പലമുക്ക്‌ (ഇരട്ടകുളങ്ങര), അരയകുളങ്ങര, കുരീക്കാട് മുക്ക്, നെടുംന്ത്ര, പള്ളിപ്പാട് മുക്ക്, എന്നിവയും പ്രധാന സ്ഥലങ്ങള്‍ തന്നെയാണ്. ആഞ്ജലി മൂട്ടില്‍ പാലത്തില്‍ നിന്ന് നോക്കിയാല്‍ കൃഷി ഇറക്കുന്ന സമയത്തും, അതിനു ശേഷവും അതിമോഹരമായ പുഞ്ച പാടങ്ങള്‍ കാണാന്‍ കഴിയുന്നു എന്നുള്ളത് ഒരു രസകരമായ കാര്യമാണ്. പാലത്തിലൂടെ പറയങ്കേരി പാലവും കടന്നു മുന്‍പോട്ടു പോയാല്‍ മാവേലികരയിലെക്കും, മാന്നാറിലേക്കും, തിരുവല്ല, കോട്ടയം എന്നീ ഭാഗങ്ങളിലേക്കും വേഗത്തില്‍ എത്തിചേരുവാന്‍ കഴിയുന്നു എന്നുള്ളത് ആശ്വാസം പകരുന്ന ഒരു കാര്യമാണ്. വേറൊരു കാര്യം ഹരിപ്പാട്ടു നിന്നും എറണാകുളത്തിനും, തിരുവന്തപുരത്തിനും ഒരേ ദൂരമാണന്നുള്ളത് പ്രത്യേകം എടുത്തു പറയേണ്ട കാര്യമാണ്.

ഇപ്പൊഴു മുറിഞ്ഞു കത്തുന്ന പഞ്ചായത്ത് വിളക്കുകളും, അതികാലത്തു അമ്പലത്തില്‍ നിന്നും കേള്‍ക്കാന്‍ കഴിയുന്ന സുപ്രഭാതവും, ഇടുങ്ങിയ റോഡുകളും, പുഞ്ച പാടങ്ങളും, ആറാട്ടും, ഉത്സവങ്ങളും, ഉറിയടിയും, കാര്‍ത്തികയും, പറയെടുപ്പും, കണ്‍വനഷനുകളും, ഭാഗവത സപ്താഹ യജ്ഞങ്ങളും, എല്ലാം എല്ലാം എന്‍റെ നാടിന്‍റെ മാത്രം പ്രത്യേകതകളായി വേറിട്ട്‌ നില്‍ക്കുന്നു. ഇടതും വലതുമായി മാറിയും മറിഞ്ഞു നില്‍ക്കുന്ന രാഷ്ട്രീയ ചായ്‌വ് ചില തെരഞ്ഞെടുപ്പുകളില്‍ പ്രകടമായി കാണാന്‍ കഴിയും എന്നാലും ഇടതിനോടാണ് കൂടുതല് ചായവെന്നു പറയുന്നതാവും ഏറെ ശരി. എന്തൊക്കെ കുറവുകള്‍ ഉണ്ടായാലും, അതെല്ലാം എന്‍റെ നാടിന്‍റെ ഭാഗമാണന്നുളള ചിന്ത ഉള്ളവര്‍ തന്നെയാണ് ഇവിടെ ജീവിക്കുന്നവര്‍. എന്നിരുന്നാലും രണ്ടായിരത്തില്‍ ഏറ്റവും നല്ല ഗ്രാമ പഞ്ചായത്തിനുള്ള സംസ്ഥാന സര്‍ക്കാരിന്‍റെ പ്രശംസയ്ക്കും എന്‍റെ നാടിനു ഭാഗ്യമുണ്ടായി എന്നുള്ളത് ഇവിടുത്തുകാരന്‍ എന്നുള്ള നിലയില്‍ അധികം സന്തോഷം തരുന്ന ഒരു കാര്യമാണ്. എന്നാല്‍ ഇപ്പോഴുള്ള ചില പ്രവര്‍ത്തനങ്ങള്‍, അസ്വസ്ഥത ഉണ്ടാക്കുന്നു എന്നുള്ളതും മറച്ചു വെക്കുന്നില്ല.

"എന്‍റെ നാട് എന്‍റെ നാടെന്ന-

ഭിമാനമായി ചൊല്ലുവാന്‍ ഒന്നുമില്ലാത്തവര്‍"-

ഇത് ഞങ്ങളെ സംബന്ധിച്ചു അസ്ഥാനത്താണ്.. ഞങ്ങള്‍ പള്ളിപ്പാട് എന്ന ഹരിത സുന്ദര ഗ്രാമത്തില്‍ അഭിമാനിക്കുന്നവര്‍ തന്നെയാണ്. ഈ നാട് ഞങ്ങളുടെ ആത്മാവാണ്. അഭിമാനമാണ്. പള്ളിപ്പാട്ടുകാരന്‍ എന്ന നിലയില്‍ ഞാന്‍ അതില്‍ അഭിമാനിക്കുന്നു.

പള്ളിപ്പാട് ഗ്രാമം ഓര്‍ക്കുട്ടില്‍

പള്ളിപ്പാട് ഗ്രാമം ഫേസ്ബുക്കില്‍

അടൂര്‍ പങ്കജത്തിനു പ്രണാമം

2010-06-26T22:34:00.003-04:00

അരനൂട്ടാണ്ടിലേറെയായി മലയാള സിനിമാ-നാടക വേദികളില്‍ നിറസാന്നിധ്യമായിരുന്നു അടൂര്‍ പങ്കജം. പ്രതികുല സാഹചര്യങ്ങളില്‍ കൂടി കടന്നു പോയതായിരുന്നു അടൂര്‍ പങ്കജത്തിന്റെ കുട്ടികാലം. നാലാം ക്ലാസില്‍ വെച്ചു തന്നെ പഠിപ്പ് നിര്‍ത്തേണ്ടി വന്നു എന്നത് എന്നും പങ്കജത്തിനു വേദന സമ്മാനിച്ച കാര്യമായിരുന്നു. എന്നാലും കുട്ടി കാലത്ത് തന്നെ സംഗീതം അഭ്യസിച്ചിരുന്ന അടൂര്‍ പങ്കജം പാട്ടുകാരിയായാണ് തന്‍റെ കലാ ജീവിതം തുടങ്ങുന്നത്. അന്ന് ക്ഷേത്രങ്ങളില്‍ കച്ചേരി അവതിപ്പിച്ചു കൊണ്ടിരുന്ന പങ്കജം നാടക രംഗത്തെത്തുന്നത് വളരെ യാദൃശ്ചികമായിട്ടാണ്. കണ്ണൂരില്‍ കേരള കലാനിലയം എന്നാ നാടക ഗ്രുപ്പ് നടത്തിയിരുന്ന കെ.പി.കെ പണിക്കാരും സ്വാമി ബ്ര്‍ഹ്മവ്രതനും ചേര്‍ന്നാണ് നാടക രംഗതെത്തിച്ചത്.വീട്ടുകാരുടെ എതിര്‍പ്പുകള്‍ വകവെയ്കാതെ നാടക രംഗത്തെത്തിയ പങ്കജത്തിന്റെ ആദ്യ നാടകം 'മധു മാധുര്യം'ആണ്. പേര് പോലെ തന്നെ പിന്നീട് അങ്ങോട്ട്‌ പങ്കജത്തിനു നല്ല കാലമായിരുന്നു.

നാടകത്തില്‍ നിന്നും പിന്നീട് സിനിമയിലേക്ക് അതിവേഗമായിരുന്നു പ്രയാണം. ആലപ്പുഴ പാമ്പാ സോമന്‍ നിര്‍മ്മിച്ച 'പ്രേമലേഖയിലാണ്' ആദ്യം അഭിനയിച്ചതെങ്കിലും അത് വെളിച്ചം കാണാതെ പെട്ടിക്കുള്ളില്‍ ഒതുങ്ങി.എം.കെ മണി സംവിധാനം ചെയ്ത ഈ ചിത്രത്തില്‍ ഒരു രണ്ടാനമ്മയുടെ വേഷമായിരുന്നു പങ്കജത്തിനു. ഒരു പക്ഷെ അത് കൊണ്ടാവാം ആ സിനിമ വെളിച്ച കാണാഞ്ഞതെന്നു അവര്‍ വിശ്വസിച്ചു പോന്നു. അതിനടുത്ത വര്‍ഷം ഉദയായുടെ 'വിശപ്പിന്‍റെ വിളി' എന്ന സിനിമയിലൂടെ മലയാള സിനിമാ വെള്ളിത്തിരയില്‍ കാലെടുത്തു വെച്ചു. അതിനു ശേഷം കരകാണാ കടലിലെ കുടുക്ക് മറിയ,ഭാര്യയിലെ റാഹേലമ്മ , പണി തീരാത്തവീട്ടിലെ റോസി, ചെമ്മീനില്‍ നല്ല പെണ്ണ്...അങ്ങനെ അവസാന ചിത്രമായ കുഞ്ഞി കൂ നനില്‍ വരെ എത്തി നില്‍ക്കുന്നതാണ് ആ കലാജീവിതം.

ഭാരത കലാ ചന്ദ്രികയില്‍ അഭിനയിക്കുമ്പോള്‍ ആ ട്രൂപ്പിന്ടെ ഉടമസ്ഥന്‍ കൂടിയായ ദേവരാജന്‍ പോറ്റിയുമായി വിവാഹവും നടന്നു. സിനിമയില്‍ നിന്നുള്ള വരുമാനം കുറയുകയും ഒപ്പം നാടകം ഇല്ലാതാവുകയും ചെയ്തപ്പോള്‍ ആയിരത്തി തൊള്ളായിരത്തി എഴുപത്തിനാലില്‍ പങ്കജവും സഹോദരി ഭവാനിയും ചേര്‍ന്ന് 'അടൂര്‍ ജയാ തിയറ്റേഴ്സ് 'എന്ന ഒരു നാടക ട്രൂപ്പ തുടങ്ങി. കൊറേ കാലത്തിനു ശേഷം അടൂര്‍ ഭവാനി ട്രൂപ്പു ഉപേക്ഷിച്ചു പോവുകയും,തുടര്‍ന്ന് ഭര്‍ത്താവിന്റെ പിന്തുണയോടെ നീണ്ട പതിനെട്ടു വര്‍ഷക്കാലം ആ ട്രൂപ്പു നടത്തുകയും ,ഈ കാലത്തിനിടയ്ക്ക് പതിനെട്ടിലധികം നാടകങ്ങള്‍ കളിക്കുകയും ചെയ്തു.

മലയാള സിനിമയില്‍ ഒരു കാലത്ത് വളരെ പ്രബലമായ ഒരു ഹാസ്യ കൂട്ടു കെട്ടായിരുന്നു, എസ്സ്.പി.പിള്ള-പങ്കജം കൂട്ടു കെട്ട്. എന്നാല്‍ ഈ നടിയെ പിന്നീട് മലയാള സിനിമ അത്രയൊന്നും സഹായിക്കുന്നതെന്ന് നാം കണ്ടില്ല.ഒരു പക്ഷേ കണ്ണിനു തിമിരം ബാധിച്ചു കാഴ്ച നഷടമായത് അടൂര്‍ പങ്കജത്തിന്റെ ഒടുങ്ങാത്ത വേദനകളില്‍ ഒന്നായിരുന്നു. അത് തന്നെയാവാം അവരെ സിനിമാ ലോകത്ത് നിന്നും അകറ്റി നിര്‍ത്താന്‍ കാരണമായതും. അടൂര്‍ ഭവാനി സഹോദരിയും, ഒപ്പം അടൂര്‍ സിസ്റ്റെര്‍ഴ്സ് എന്ന പേറി ഈ കൂട്ടുകെട്ടു പിന്നീട് കേരളക്കര മുഴവന്‍ അറിയപെടുകയും ചെയ്തു. അടൂര്‍ പങ്കജത്തിനു തുണ പോയാണ് അടൂര്‍ ഭവാനി സിനിമയിലെത്തിയതെന്നും ഒരു മറുപക്ഷം പറയുന്നുണ്ട്. അത് ശരിയുമാവാം. നാടകവും സിനിമയും ഒരുപോലെ ചേരും എന്ന് തെളിയിച്ച അഭിനയ പ്രതിഭയായിരുന്നു അടൂര്‍ പങ്കജം. 412 സിനിമകളിലുടെ മലയാള സിനിമയുടെ നിറസാന്നിധ്യം ആയിരുന്നു ഈ മഹാ നടി. നാടകത്തിനും സിനിമയ്ക്കും നല്‍കിയ സംഭാവനകള്‍ പരിഗണിച്ചു 2008- ല്‍ സംഗീത- നാടക അക്കാദമി അടൂര്‍ പങ്കജത്തിനെ ആദരിച്ചിരുന്നു. ആ വലിയ നടിയുടെ നിത്യ സ്മരണയ്ക്ക് മുന്‍പില്‍ തട്ടകത്തിന്‍റെ പ്രണാമം .

സ്വത്വവാദവും വര്‍ഗ്ഗവാദവും എന്തിനു വേണ്ടി...?

2010-06-24T23:29:00.000-04:00

ജങ്ങളുടെ മനസറിഞ്ഞു വേണം കാര്യങ്ങള്‍ ചിന്തിക്കാന്‍ എന്ന നിലയില്‍ ഈ അടുത്ത കാലത്ത് നമ്മുടെ സംവാദങ്ങള്‍ വളര്‍ന്നിരിക്കുന്നു. എന്നാല്‍ ഇതെല്ലം സാമാന്യ ജനത്തിനു വേണ്ടിയാണോ എന്ന ഒരു മറുചോദ്യം നിലനില്‍ക്കെ തന്നെയാണ് ഇത്തരം വാദഗതികളുടെ അക്ഷര പൊളിച്ചെ ഴുത്തുകള്‍ നാം കണ്ടു കൊണ്ടിരിക്കുന്നത്. സാമാന്യ ബോധത്തിന്റെ ആഴമുള്ള ഏകോപനം എന്ന സമീപനത്തില്‍ നിന്ന് കൊണ്ട് കാര്യങ്ങള്‍ അതിന്റെ ഗൌരവത്തോടെ കാണാനും ജനങ്ങള്‍ പഠിച്ചിരിക്കുന്നു എന്ന് തന്നെ വേണം കരുതാന്‍. എവിടെയായാലും, എന്തിനു വേണ്ടിയായാലും തങ്ങള്‍ക്കു ഗുണമുള്ളതെ
ജനം എന്നും കൈ നീട്ടി സ്വീകരിച്ചിട്ടുള്ളൂ . അല്ലാത്തവയെല്ലാം എന്തുതരം വാദമായാലും അതെല്ലാം കാലം അസാമാന്യ ശക്തിയോടെ തന്നെ വിസ്മരിച്ചു കളയുന്ന കാഴ്ചയും, ചരിത്രത്തിലൂടെ നമുക്ക് കിട്ടും. എന്നാലും അവയെല്ലാം കുറെ കാലം അന്തിരീക്ഷ മലിനീകരണം പോലെ നമ്മുടെ ഇടയില്‍ ചുറ്റി കറങ്ങി കെട്ടടങ്ങുകയെ നിവൃത്തിയുള്ളൂ എന്ന നിലയില്‍ തന്നെ എത്തി ചേരും.

ഈ അടുത്ത കാലത്തായി നിലനിന്നു വരുന്ന , അല്ല നടത്തിവരുന്ന സംവാദ വിഷയമാണ്, സ്വത്വവാദം എന്ന സാമൂഹിക പ്രത്യക്ഷതയുള്ള ഒരു കൊടിമരം. അത് പൊക്കി തലേല്‍ വെക്കാനും അത് കുത്ത് ഒടിച്ചു കാട്ടില്‍ കളയാനും തയ്യാറായി കുറെ പേര്‍ കുറെ കാലമായി സജീവമായി ഈ വിഷയത്തെ അവരുടെ വാദ ഗതിക്കള്‍ക്ക് അനുസരിച്ച് എരിവും പുളിയും ചേര്‍ത്ത് ജനമധ്യത്തില്‍ അവതരിപ്പിച്ചു കൊണ്ടേയിരിക്കുന്നു. ഇത് മുന്‍പ് പറഞ്ഞത് പോലെ കുറെ കാലം നിലനില്‍ക്കും. എന്നാലും ഇത് വഴി വെച്ചിട്ടുള്ള വെടിമരുന്ന് അതീവ ഗുരുതരവും അതിനപ്പുറം ജാതീയത എന്ന സ്വത്വ ബോധത്തില്‍ നിന്നും ഉരുത്തിരിഞ്ഞതുമാണ്.ഇത്തരുണത്തില്‍ ഹമീദ് ചേന്ദമംഗലം പറഞ്ഞ ഒരു കാര്യം ഞാന്‍ എടുത്തു പറയുകയാണ്. സ്വാതന്ത്ര സമര കാലഘട്ടത്തില്‍ ഈ പറയുന്ന സ്വത്വ ബോധം/ വാദം ജനങ്ങളെ ഭിന്നിപ്പിക്കാനും ഒന്നിപ്പിക്കുവാനും എന്ന അധമമായ രണ്ടു രീതിയില്‍ ഉപയോഗിക്കപ്പെട്ടു. ദേശീയ വാദികള്‍ നാം ഇന്ത്യകാര്‍ എന്ന സമഗ്രമായ ആശയ പ്രചാരണത്തിനായി ഉപയോഗിച്ചപ്പോള്‍, വിഘടനവാദികള്‍ എല്ലാകാലത്തെയും പോലെ ഹിന്ദുക്കള്‍, മുസ്ലീങ്ങള്‍ എന്ന രണ്ടു തരക്കാരെ സൃഷ്ടിക്കുന്നതിനായി ഉപയോഗിച്ചു. ഇതിന്‍റെ പരിണിത ഫലം നാം കണ്ടതുമാണ്.

മതം, ജാതി, വര്‍ഗ്ഗം, ഭാഷാ, സാമ്പത്തികം എന്ന നിലയിലെല്ലാം ഈ സ്വത്വ വാദത്തെ മാറ്റി മറിക്കാനും അതുവഴി അങ്ങനെ ഒരു വേര്‍ തിരിവ് സൃഷ്ടിക്കുവാനും സാധിക്കും. എന്നാല്‍ ഇതില്‍ നിന്നെല്ലാം മാറി ചിന്തിക്കുന്ന ഒരു കൂട്ടരാണു എപ്പോഴും ഇത്തരക്കാരെ എതിര്‍ത്തു വന്നിട്ടുള്ളതും. ഇവിടെയും മറിച്ചല്ല സംഭവിച്ചത്. കേരളത്തില്‍ അടുത്തകാലത്തായി ജാതി- മത ചിന്ത അല്പം കൂടി വരുന്ന ക്കാലത്ത് ഈ തരത്തിലുള്ള ഒരു സ്വത്വ വാദം കൊണ്ട് എന്ത് തരത്തിലുള്ള പ്രയോജനം ആര്‍ക്കാണ് കിട്ടുകയെന്നു ഊഹിക്കവുന്നതെയുള്ളൂ . അതിലുള്ള പ്രേയോജനത്തെക്കാള്‍ അത് വരുത്തി വെക്കുന്ന ആഴത്തിലുള്ള മുറിവ് ഇതു മരുന്ന് കൊണ്ട് വെച്ച് കെട്ടാന്‍ സാധിക്കും എന്ന് കൂടി ചിന്തിക്കുന്നത് നല്ലതായിരിക്കും.

ഭാരതത്തില്‍ പ്രയോഗിച്ച സ്വത്വവിഭജനം തെറ്റായിരുന്നുവെന്ന് ഇപ്പോള്‍ മനിസിലായിരിക്കുന്നു എന്ന തിരിച്ചറിവുണ്ടായിട്ടും ഇപ്പോള്‍ ഈ വാദം എന്ത് പരിഗണനയാണ് അര്‍ഹിക്കുന്നത്. എന്നാല്‍ ഒറ്റ ആശ്വാസം മതം, ജാതി, വര്‍ഗ്ഗം എന്നീ ചിന്തകളില്‍ നിന്നും മാറി ചിന്തിക്കുവാന്‍ ശേഷി ഉള്ളവര്‍ (അതാപത്താണന്ന ചിന്ത ഇപ്പോഴും മനസ്സില്‍ സുക്ഷിക്കുന്നവര്‍) തന്നെയാണ് നമ്മളെന്നു നാം പലപ്പോഴും തെളിയിച്ചിട്ടുമുള്ളവരാണ്. എന്നാലും ഒരാശങ്കയോടു കൂടി മാത്രം തത്കാലം ഇതിനെ കണ്ടാല്‍ മതി. കമ്യൂണിസ്ട്ടു പ്രസ്ഥാനങ്ങള്‍ അനവധി കൊല്ലങ്ങളായി കാത്തു സംരക്ഷിക്കുന്ന മതേതര മനുഷ്യന്‍ വലിയ കോട്ടയാണ് ഇത് കൊണ്ട് തകര്‍ന്നു വീഴുവാന്‍ പോകുന്നത്. അപ്പോള്‍ അവര്‍ അതിനെ എതിര്‍ക്കുന്നതില്‍ നമുക്ക് എങ്ങനെ കുറ്റം പറയാനാകും.

ഏകസ്വത്വ വാദം എന്ന വിഷയം അല്പം കൂടി കടന്ന കൈയ്യാണ്. ഒരേ ജാതിയില്‍ പെട്ടവരുടെ സ്വത്വങ്ങള്‍ അവരില്‍ തന്നെ വ്യത്യസ്തങ്ങള്‍ ആയിരിക്കും എന്ന തിരിച്ചറിവ് ഇതുയര്‍ത്തുന്നവര്‍ കണ്ടില്ലന്നു നടിക്കുകയാണോ..? ഒരു ഹിന്ദു - മുസ്ലീം - ക്രിസ്ത്യന്‍ കുടുംബത്തില്‍ തന്നെ , അല്ലെങ്കില്‍ അവരുടെ ഇടയില്‍ തന്നെ വിവിധങ്ങളായ സ്വത്വ ബോധവും ചിന്തയും ഉണ്ട് എന്ന് നാം മനിസിലാക്കണം. അതങ്ങനെ നിലനില്‍ക്കുമ്പോള്‍ വെറുതെ ഒരു വര്‍ഗ്ഗ ചിന്താ ഗതി ഉള്ളില്‍ തന്നെ നിലനിര്‍ത്തുകയോ അത് പെരുപ്പിക്കുകയോ ഇത് മൂലമ് സാധ്യമാവുകയുള്ളു . കേരള സമൂഹത്തില് ഉള്ളവനും ഇല്ലാത്തവനും എന്ന ചേരി തിരിവ് അധികമായില്ലെങ്കിലും , അത് അരക്കിട്ടുരപ്പിക്കുവാന്‍ ഇത്തരം വാദങ്ങള്‍ കൊണ്ട് അനായാസം സാധ്യമാവും. എല്ലാവരുടെയും മനസ്സ് കൂടി കണ്ടു വേണം ഇത്തരത്തിലൊരു വാദം ജനമധ്യത്തില്‍ കൊണ്ടുവരാന്‍ തന്നെ. അല്ലാത്തപക്ഷം വരുന്നത് വരട്ടെ എന്നും, വന്നു കഴിഞ്ഞു പുതിയതൊന്നു കൊണ്ടുവരാം എന്ന പഴകിയ മനസിലേക്ക് തിരിച്ചു പോവുകയേ നിവൃത്തിയുള്ളൂ.

സ്വത്വവാദം ഇനിയും....

പതിമൂന്നിനൊപ്പം

2010-06-18T22:44:00.002-04:00

"പതിമൂന്ന് " എന്ന അക്കം അത്ര പന്തിയല്ലന്ന് നമുക്കെല്ലാവര്‍ക്കും അറിയാം. അതിനു നൂറ്റാണ്ടുകളുടെ പഴക്കം ചെന്ന അടിയുറച്ച വിശ്വാസത്തിന്‍റെ ആഴവും കൂടി ഉണ്ട്. ലോകത്തെല്ലായിടത്തും ആഴത്തില്‍ വേരൂന്നിയ ഈ വിശ്വാസം പാടെ തകിടം മറിക്കുന്ന രീതിയിലാണ് ഈ ലോകകപ്പിന് ചില കളിക്കാരുടെ വരവ്. നമ്മുടെ നാട്ടില്‍ പണ്ട് മുതലേ, സുഭ കാര്യങ്ങള്‍ക്ക് പതിമൂന്നിനെ അകറ്റി നിര്‍ത്തുകയാണ് പതിവ്. ഹോട്ടലുകള്‍ക്ക് പതിമൂന്നു എന്നൊരു ഫ്ലോര്‍ തീര്‍ത്തും ഒഴിവാക്കിയും, പതിമൂന്നില് തുടങ്ങുന്ന മുറികള്‍ തന്നെ തുറക്കാതെ എല്ലാ ഹോട്ടലുകാരും തങ്ങളുടെ നിലപാടിലൂടെ ലോകമെബാടുമുള്ള ഈ വിശ്വാസത്തെ ഒന്ന് കൂടി അരക്കിട്ട് ഉറപ്പിക്കുംപോഴാണ് ഭാഗ്യത്തിന്‍റെ കൂടി കളിയായ ഫുട്ബാളില്‍ ചില കളിക്കാര്‍ ഈ സാഹസത്തിനു മുതിരുന്നതെന്നോര്‍ക്കണം. അപ്പോള്‍ പതിമൂന്നാം നമ്പര്‍ ജേഴ്സിയണിഞ്ഞു കളികളത്തിലിറങ്ങുന്നവരുടെ കാര്യം എന്താവും..?

ഈ ലോകകപ്പില്‍ മുപ്പത്തിരണ്ട് കളിക്കാര്‍ ഈ നമ്പര്‍ അണിഞ്ഞു കളികളത്തില്‍ ഇറങ്ങുന്നുണ്ട് എന്നുള്ളത് അവരുടെ ഈ നമ്പരിനോടുള്ള ഇഷ്ടം ഒന്ന് കൊണ്ട് മാത്രം എന്ന് മനിസിലാക്കാവുന്നതെയുള്ളൂ. ബ്രസീലിന്‍റെ ദാനിയേല്‍ ആള്വ്സ്, അര്‍ജെന്ടീനയുടെ വാള്‍ട്ടര്‍ സാമുവേല്‍, ജര്‍മ്മനിയുടെ തോമസ്‌ മുള്ളര്‍, ഇറ്റലിയുടെ സാല്‍വഡോര്‍ ബെച്ചെട്ടി, ഫ്രാന്‍സിന്‍റെ പാട്രിസ് ഏവര തുടങ്ങിയവര്‍ യാവരില്‍ പ്രമുഖര്‍ മാത്രം.

എന്തുകൊണ്ട് നാം പതിമൂന്നു എന്ന നമ്പറിനെ ഇത്ര അധികം ഭയക്കുന്നു...? രാശിയില്ലാത്തെ ദിവസമായി ഇതിനെ വേദങ്ങളില്‍ എടുത്തുപറയുന്നുണ്ട്. സംഖ്യാ ശാസ്ത്രത്തില്‍ ഈ നമ്പര്‍ ആപത്തുകളുടെ ഒരു ഘോഷയാത്രയ്ക്ക് തന്നെ കളമോരുക്കുമെന്നു പ്ര്തെയെകം എടുത്തു പറയുന്നു. വേവലാതിയോടെ മാത്രമേ ഈ നമ്പറിനെ ലോകം കാണുന്നുള്ളൂ. അപ്പോഴാണ്‌ തന്റെടത്തോടെ ആ നമ്പറിനെ രണ്ടു കൈയും നീട്ടി ഇത് ഞങ്ങളുടെ ഭാഗ്യ നമ്പര്‍ എന്ന് പറഞ്ഞു കളിക്കളത്തില്‍ ഇറങ്ങിയിരിക്കുന്നതെന്നോര്‍ക്കണം. മറ്റൊന്നു കൂടി ഈ കളിക്കാരില്‍ പ്രമുഖര്‍ എല്ലാവരും തന്നെ ലോകകപ്പ് സാധ്യത തള്ളികളയാനാവാത്ത ടീമിന്‍റെ കളിക്കാരുമാണ്. അപ്പോള്‍ അവരുടെ ഭാഗ്യകേട്‌ കൊണ്ടാവുമോ സാധ്യത കല്പിക്കപെട്ട ടീം പെട്ടന്ന് പുറത്താവുകയോ, തോല്‍ക്കുകയോ ചെയ്യുക..?

ഓസ്ട്രേലിയയാക്കെതിരെ നടന്ന മത്സരത്തില്‍ ജര്‍മ്മനിയുടെ മൂന്നാം ഗോള്‍ നേടിയത് മുള്ളറായിരുന്നു. അപ്പോള്‍ ഭാഗ്യമോ, ഭാഗ്യക്കെടോ ഈ പതിമൂന്നു എന്ന പാവം നമ്പര്‍. അല്ലെങ്കില്‍ തന്നെ നമുക്ക് ദോഷം വരുന്നത് കൊള്ളാത്തതും അല്ലാത്തത് നല്ലതും. എന്തായാലും ഒരു ഭാഗ്യ പരീക്ഷണത്തിനു നിങ്ങള്‍ തയ്യാറാണോ..? എങ്കില്‍ അടുത്ത തവണ പതിമൂന്നു എന്ന നമ്പറില്‍ കാര്യങ്ങള്‍ തീരുമാനിച്ചോളൂ.

ഇനി ആരവത്തിന്‍റെ മുപ്പതുനാള്‍

2010-06-12T22:39:00.005-04:00

ദക്ഷിണാഫ്രിക്കന്‍ ഇതിഹാസ നായകന്‍ മണ്ടേലയുടെ നാട്ടില്‍ അരങ്ങേറുന്ന ഫുട്ബാള്‍ മാമാങ്കത്തിന് ഇനി ഒരു മാസത്തെ കണ്ണും മനസ്സും കുളിര്‍പ്പിക്കുന്ന കാഴ്ചകളുടെ വിസ്മയ ലോകം സമ്മാനിച്ചു കൊണ്ടുള്ള ജൈത്ര യാത്ര തുടരുകയായി. മതിവരാത്ത ഭ്രമം കലര്‍ന്ന കൌതുകത്തിലാണ് ലോകമെമ്പാടുമുള്ള ഫുട്ബാള്‍ ആരാധകര്‍ . നിറങ്ങള്‍ വാരിപ്പുതച്ച്, വുവുസല കുഴല്‍വാദ്യം തീര്‍ക്കുന്ന വിസ്മയം പകരുന്ന ശബ്ദഘോഷത്തില്‍ ആറാടി, ജൊഹാനസ്ബര്‍ഗ് ഒരുങ്ങിക്കഴിഞ്ഞു. ഇനി ഒരുമാസം, ലോകമെമ്പാടുമുള്ള കാല്‍ പന്തു കളിയുടെ ഭ്രാന്തന്മ്മാര്‍ ഓരോ പന്തിന്റെയും ചലനത്തിന്റെയും വെഗതയുടെയും ആക്ക തൂക്കങ്ങള്‍ ചാലിച്ചെഴുതി രാപകലെന്നില്ലാതെ വര്‍ണങ്ങളുടെയും വന്യതാളങ്ങളുടെയും ലോകകപ്പായ, 2010 ലോകകപ്പിനെ നെഞ്ചിലേറ്റി ഭാഷയും മതവും ജാതിയും വര്‍ണ്ണവും വര്‍ഗ്ഗവും രാഷ്ട്രവും ഒന്നും ഒരു തടസമാകാതെ മുന്തിരിത്തോപ്പുകളുടെയും, ഓറഞ്ചു തോട്ടങ്ങളുടെയും നാടായ ദക്ഷിണാഫ്രിക്കയുടെ ഹൃദയത്തിലേക്ക് തന്നെ...

ഉദ്ഘാടനച്ചടങ്ങുകള്‍ക്കും ആദ്യ മത്സരത്തിനും വേദിയായ സോക്കര്‍സിറ്റി സ്റ്റേഡിയത്തിനുമുണ്ട് പഴമയുടെയും പുതുമയുടെയും കഥ. പന്തുരുളുന്നത് ഈ സ്റ്റെഡിയാത്തിലാകുംപോള്‍ അവിടെ പുതുക്കി പണിയാനായി ചെലവഴിച്ച ലക്ഷക്കണക്കിന്‌ വരുന്ന ഡോളര്‍ അതിന്റെ മനോഹാരിതയും അവിടുത്തുകാരുടെ ഫുട്ബളിനോടുള്ള അടങ്ങാത്ത ആവേശവും നമ്മെ മോഹിപ്പിക്കുന്നു. സൊവെറ്റയിലെ സോക്കര്‍ സിറ്റി സ്‌റ്റേഡിയത്തില്‍ ദക്ഷിണാഫ്രിക്കയുടെ എല്ലാമെല്ലാമായ നെല്‍സണ്‍ മണ്ടേലയുടെ സാന്നിധ്യവും വുവുസലയൂതി ആര്‍ത്തുവിളിക്കുന്ന സ്വന്തം നാട്ടിലെ ആരാധകരുടെ എന്തെന്നില്ലാത്ത ആവേശവും നാം കഴിഞ്ഞ ദിവസം കണ്ടു കഴിഞ്ഞു.

കാതടപ്പിക്കുന്ന വുവുസലയുടെ ഘോഷമാകും 2010 ലോകകപ്പിന് എല്ലാ കളികളിലും നിഴലിച്ചു നില്‍ക്കുക എന്നത് വലിയ അംഗീകാരമായി ഇവിടുത്തുകാര്‍ കാണുന്നു. ലോകമറിയുന്ന തങ്ങളുടെ തനതു വാദ്യഘോഷം എന്താണന്നു ലോകത്തിനു മുന്നില്‍ വിരുന്നായോരുക്കുന്നതില്‍ അവര്‍ കാട്ടുന്ന അത്യുസ്സാഹവും നാം കണ്ടു പഠിക്കേണ്ടതാണ്. അതിനെല്ലാം അപ്പുറമായി നല്ല കളിയുടെയും നന്മയുടെയും പ്രതീകമായ 'സാക്കുമി' എന്ന ഭാഗ്യചിഹ്നത്തിനൊപ്പം കളി ആസ്വദിക്കുകയും നൃത്തം ചവിട്ടുകയും ചെയ്യുന്ന സാധാരണക്കാരായ ഫുട്ബാള്‍ പ്രേമികള്‍ ഇന്ന് ആഫ്രിക്കയില്‍ മാത്രമല്ല ലോകമെമ്പാടും നമുക്ക് കാണുവാന്‍ കഴിയും.

ഇക്കുറി ലോക ഫുട്‌ബോളിന്റെ കിരീടം വെട്ടിപ്പിടിക്കാന്‍ 32 ടീമുകളാണ് രംഗത്തുള്ളത്. 32 രാഷ്ട്രങ്ങളുടെ പ്രാര്‍ഥനയും ഒപ്പം തങ്ങള്‍ ആരാധിക്കുന്ന താരങ്ങള്‍ക്കൊപ്പം അവരവരുടെ ഇഷ്ട ടീമിനൊപ്പവും ആടിയും പാടിയും ഈ ലോകകപ്പ്‌ വിരുന്നു ആസ്വദിക്കുന്നവരും അനവധിയാണ്. ഇറ്റലിയാണ് നിലവിലുള്ള ചാമ്പ്യന്മാര്‍ .ഇത്തവണ കിഴവന്‍പടയെന്ന അപഖ്യാതിയുമായാണ് ആഫ്രിക്കയില്‍ എത്തിയിരിക്കുന്നത്. അഞ്ചു തവണ ലോകകിരീടം സ്വന്തമാക്കിയ അഭിമാന പാരമ്പര്യമുള്ള ബ്രസീല്‍ , ഇതിഹാസതാരം മാറഡോണ പരിശീലിപ്പിക്കുന്ന അര്‍ജന്റീന, അടങ്ങാത്ത വിജയദാഹവുമായെത്തുന്ന സ്‌പെയിന്‍ എന്നീ ടീമുകള്‍ക്കാണ് ആരാധകരും പ്രവചനക്കാരും വിജയ സാധ്യതകള്‍ കല്പിച്ചു നല്‍കുന്നത്. ഇതിനെല്ലാം പുറമേ ഫ്രാന്‍സ്, ജര്‍മനി, ഇംഗ്ലണ്ട് ടീമുകളും അട്ടിമറി സൃഷ്ടിക്കാനോ വിജയമാവര്‍ത്തിക്കുവാനോ അസാമാന്യ വൈഭവം ഉള്ളവര്‍ തന്നെ എന്ന കാര്യത്തില്‍ സംശയം ഏതുമില്ല.

സ്വര്‍ണവും പ്ലാറ്റിനവും വിളയുന്ന മണ്‍പാടങ്ങളുമുള്ള ദക്ഷിണാഫ്രിക്കയിലേക്ക് ഫുട്‌ബോള്‍ എത്തുമ്പോള്‍ ,മറ്റെല്ലാം മറന്ന് ലോകം മുഴുവന്‍ അതിനായി തയ്യാറെടുത്തുകഴിഞ്ഞു. ഇനി ആരവങ്ങളും പുറത്താകലുകളും അട്ടിമറികളും അവാസാനമില്ലാതെ തുടരുന്ന മുപ്പതുനാളുകള്‍. വുവുസല കുഴല്‍വാദ്യം തീര്‍ക്കുന്ന വിസ്മയം പകരുന്ന ശബ്ദഘോഷത്തില്‍ ആറാടി, കളിയുടെ എല്ലാ ഗരിമയും അതിന്റെ അവാസാനം വരെ നിലനില്‍ക്കട്ടെയെന്ന് ആത്മാര്‍ഥമായി ആശിക്കുകയും , ഒപ്പം ഒരു ഇന്ത്യക്കാരന്‍ എന്ന നിലയില്‍ നമ്മുടെ രാജ്യവും എന്നെങ്കിലും ഒരിക്കല്‍ ബുട്ടണിയും എന്ന് സ്വപ്നം കണ്ടു അതിന്റെ ഫല പ്രാപ്തിക്കായി പാര്‍ത്ഥിക്കുകയും ചെയ്യാം.

ജാക്ക്പോട്ട് അടിച്ചത് നദിയാ മൊയ്തുവിന്..

2010-06-11T10:46:00.001-04:00

ഒരു ടി.വി പരിപാടി അതും നീണ്ട എട്ടു വര്‍ഷങ്ങള്‍ , എന്നത് ഒരു ചുരുങ്ങിയ ഒരു കാലമല്ല. എട്ടു വര്‍ഷങ്ങള്‍ കൊണ്ട് നാനൂറിലധികം എപ്പിസോഡുകള്‍ , മൂവായിര്ത്തിലധികം ആളുകള്‍ പങ്കെടുക്കുക, നാല് കോടിയിലേറെ രൂപ സമ്മാനത്തുകയായി കൊടുക്കാന്‍ സാധിക്കുക. അപ്പോള്‍ തന്നെ ഈ ടി.വി പ്രോഗ്രാമിന്റെ പേരും പെരുമയും മനിസിലാക്കാവുന്നതെയുള്ളൂ . ഒരു ടി.വി പ്രോഗ്രാം വിജയിക്കണമെങ്കില്‍ പല ഘടകങ്ങള്‍ അടങ്ങിയിരിക്കുന്നു. അവതാരകന്‍ / അവതാരക അതിന്റെ ഏറ്റവും ഒന്നാമതായി നില്‍ക്കുന്ന ഒരു കാര്യം. അതിലേറെ അത് ജനങ്ങളില്‍ ചെലുത്തുന്ന സ്വാധീനമാണ് എപ്പോഴും ഇത്തരം പ്രോഗ്രാമുകളുടെ ജീവന്‍. അതിനു കോട്ടം വന്നാല്‍ ഞങ്ങള്‍ അതിനെ കൈയ്യൊഴിയുക തന്നെ ചെയ്യും. അമിതാബു ബച്ചന്‍ അവതരിപ്പിച്ച കോന്‍ ബനേഗാ കരോട് പതി എന്ന ഒറ്റ പ്രോഗ്രാം കൊണ്ട് ഉണ്ടായ പ്രശസ്തി തന്നെയാണ് തകര്‍ന്ന അവസ്ഥയില്‍ നിന്നും അമിതാഭിനെ ഒരു പരിധി വരെ കച്ചി തുരുമ്പായി അന്ന് പരിണമിച്ചത്‌. ആ പ്രോഗ്രാം അവതരിപ്പിച്ചതിലെ വ്യത്യസ്തത അതിലേറെ ഗംഭീരമായ ശബ്ദ സൌകുമാര്യം എന്നിവയും ഏറെ ശ്രെദ്ധ നേടാന്‍ കാരണമായി.

ഇവിടെയും കാര്യം വ്യത്യസ്തമല്ല. നമ്മുടെ സ്വന്തം പുരട്ചി തലൈവി ജയലളിത അമ്മയുടെ സ്വന്തം ചാനലായ ജയ ടി.വിയിലെ അതും ഇന്ത്യന്‍ ടെലിവിഷന്‍ ചരിത്രത്തിലെ തന്നെ ഏറ്റവും പഴക്കമേറിയ ഗെയിംഷോ എന്ന് തന്നെ വിശേഷിപ്പിക്കാവുന്ന ജാക്ക്‌പോട്ട് ഗെയിം ഷോ , നടിയും അവതാരകയും നമ്മുടെ എക്കാലത്തെയും ഹരവും അടുത്ത കാലത്ത് വിവാദ നായികയുമായ ഖുശ്ബു അമ്മ അവതരിപ്പിച്ചു വന്ന ഒരു പ്രോഗ്രാം ആയിരുന്നു. ജാക്ക്പോട്ടിനെ വ്യത്യസ്തമാക്കിയത് ഖുശ്ബു അമ്മയുടെ അവതരണവും, അവരുടെ തമിഴകത്തുള്ള സ്വാധീനവും ഒന്ന് മാത്രാമാനന്നു ഏതു തമിഴനെ പോലെ ഞാനും ഏതു ഉറക്കത്തിലും പറയും. ഇപ്പോള്‍ ഇതാ നമ്മുടെ ഖുശ്ബു അമ്മ എല്ലാവരെയും ഞെട്ടിച്ചു കൊണ്ട് തലൈവിയെ വിട്ടു തലൈവര്‍ കൂടെ പോയാച്ച്. അതുടെ ഇന്തയിടത്ത്തില്‍ തുടര്ന്തു വന്ത എല്ലാ പൊയ് കാഴ്ചകള്‍ക്കും ഒരു തടവ്‌.... ബാക്കി ഞാന്‍ പറയാതെ തന്നെ ഊഹിച്ചോളു.

നടി ഖുശ്ബു ഡി.എം.കെ.യില്‍ ചേര്‍ന്നതിനെത്തുടര്‍ന്ന് അതുവരെ എല്ലാ ഗരിമയോടും നാലാളുടെ മുന്‍പില്‍ ഞെളിഞ്ഞു നിന്ന് പറയാന്‍ ജയ ടീ.വിയ്ക്ക് ആകെയുണ്ടായിരുന്ന പ്രോഗ്രാം ജയലളിത അമ്മയുടെ നിര്‍ദ്ദേശ പ്രകാരം നിര്‍ത്തി വെയ്കുകയാനുണ്ടായത്. എങ്ങനെ ഖുശ്ബുവിനെ കുറ്റം പറയും. ഒരു ടി.വിയില്‍ പ്രതിഫലം വാങ്ങി പ്രോഗ്രാം അവതരിപ്പിക്കുന്ന ആള്‍ എന്ന നിലയില്‍ തന്റെ കൃത്യം നാന്നായി തന്നെ ഖുശ്ബു നിര്‍വഹിക്കുകയും , അതിന്റെ ലാഭം പരമാവധി ആ ചാനലുകാര്‍ സ്വന്തമാക്കുകയും ചെയ്തു കഴിഞ്ഞു. എന്നാല്‍ തന്റെ എതിര്‍ പാര്‍ട്ടിയില്‍ ചേര്‍ന്ന ഒരുവളെ വെച്ച് എങ്ങനെ പ്രോഗ്രാം നീട്ടി കൊണ്ട് പോകും. എല്ലാ തമിഴന്മ്മാരും ഒന്നിച്ചു ചൂലെടുത്തടിക്കില്ലെ..? അപ്പൊ പുറത്താക്കുകയും ഒപ്പം ആ പരിപാടി നിര്‍ത്തി വെയ്ക്കുകയുമല്ലേ നിര്‍വാഹമുള്ളൂ.

ഖുശ്ബു പോയന്നു വെച്ച് അങ്ങനെ തോറ്റു കൊടുക്കാനൊന്നും തലൈവി ഒരുക്കമല്ല. ആരെയെങ്കിലും കണ്ടു പിടിച്ചു കൊണ്ട് വരാന്‍ അവര്‍ ശിങ്കടികളെ ശട്ടം കെട്ടി. അവര്‍ ഒടുവില്‍ ഉപായം പോലെ ജനങ്ങള്‍ക്ക്‌ വിട്ടു കൊടുത്തു. ഇനി എങ്ങാനും പരിപാടി പൊട്ടി പോയാലും അതിന്റെ കുറ്റം തങ്ങളുടെ തലയില്‍ വന്നു വീഴാന്‍ പാടില്ലല്ലോ. സര്‍വേ നടത്തി ജനഹിതം പോലെ അവര്‍ ആളെ കണ്ടത്തി. തമിഴകത്തിന് മാത്രമല്ല മലയാളികള്‍ക്കും ഏറെ സുപരിചിതയായ നടി നാദിയ മൊയ്തുവിനാണ് നറുക്ക് വീണത്‌. നടി ഖുശ്ബുവിന്റെ അത്രയും താരത്തിളക്കം നദിയക്കില്ലെങ്കിലും കുടുംബങ്ങളെ ആകര്‍ഷിചിരിക്കുന്ന ഒരു പരിപാടി എന്ന നിലയില്‍ അതിനു കോട്ടം വരാതെ , ചുരുക്കി പറഞ്ഞാല്‍ ചീത്ത പേര് കേള്‍പ്പിക്കാതെ മുന്നോട്ടു കൊണ്ട് പോകാന്‍ നദിയായ്ക്ക് കഴിയട്ടെ എന്ന് നമുക്ക് പ്രാര്‍ഥിക്കാം.

ജാക്ക്‌പോട്ടിന്റെ മുഖ്യ ആകര്‍ഷണം അതിന്റെ അവതാരകയാണ് എന്നിരിക്കെ ഇനി നാദിയയുടെ അവതരണം എങ്ങനെ ആയിരിക്കും എന്ന് മാത്രം നമുക്ക് കാത്തിരുന്നു കാണാം. തരക്കേടില്ലാതെ അഭിനയം കാഴ്ച വെക്കാറുള്ള നദിയ ഒരു പക്ഷെ തമിഴ് മക്കളുടെ അരുമയാവാനും അതുവഴി അമ്മയാവാനും ഇനി അധിക കാലം കാത്തിരിക്കേണ്ടി വരില്ല. ഖുശ്ബു അമ്മ പോയാലും സാരമില പ്രോഗ്രാം അതെ പടി വന്നല്ലോ എന്നാശ്വസിക്കുന്ന ഒരു തമിഴനെങ്കിലും കാണാതിരിക്കില്ലല്ലോ. നദിയാക്ക് എന്റെ ആശംസകള്‍ ...!!

ലീഗിന്റെ പെരുമാട്ടച്ചട്ടമെന്ന ചട്ടുകം

2010-06-06T22:30:00.002-04:00

മുസ്ലീം ലീഗിനിതെന്തു പറ്റി എന്നാലോചിക്കുവാന്‍ തുടങ്ങിയിട്ട് കാലമേറെയായി. കുറെ കാലമായി പറഞ്ഞു കേള്‍ക്കുന്ന ഒന്നാണ് അവരോടൊപ്പം പ്രവര്‍ത്തിക്കുന്ന, സഹകരിക്കുന്ന വനിതകള്‍ എങ്ങനെ വസ്ത്രം ധരിക്കണം, എങ്ങനെ സംസാരിക്കണം , എങ്ങനെ നടക്കണം എന്നുള്ള തീരുമാനം ഇനി മുതല്‍ ലീഗ് നേത്വ്രുത്വം തീരുമാനിച്ചറിയിക്കും. അതനുസരിച്ച് നടക്കുകയല്ലാതെ മറ്റു മാര്‍ഗ്ഗങ്ങള്‍ ഒന്നും ഇനി കേരളത്തിലെ തീവ്ര ചിന്താഗതിയുള്ള മുസ്ലീം സഹോദരിമാര്‍ക്ക് ഉണ്ടാകുമെന്ന് തോന്നുന്നില്ല. ആരുടെതാണി തീരുമാനം, അതറിയാന്‍ എല്ലാവര്‍ക്കും അവകാശമുണ്ട്‌. കേരളത്തിലെ പ്രമുഖരായ സാമുദായിക നേതാക്കളുടെ ആവശ്യപ്രകാരമാണ് തങ്ങള്‍ ഇത്തരത്തിലൊരു തീരുമാനത്തില്‍ എത്തിച്ചേരാന്‍ നടപടി തുടങ്ങിയതെന്ന് കുഞ്ഞാലികുട്ടി സാഹിബ് വ്യക്തമാക്കുക കൂടി ചെയതതോടെ ചിത്രം ഏതാണ്ട് വ്യക്തമായി കാണും.

പൊതു സമൂഹത്തില് പ്രവര്‍ത്തിക്കാന്‍ എന്തിനാണ് സ്ത്രീകള്‍ക്ക് ഇത്തരത്തിലൊരു നിയന്ത്രനത്ത്തോട് കൂടിയ വസ്ത്ര ധാരണം എന്നു ഒരു നിമിഷം ചിന്തിച്ചു നോക്കു. കേരളത്തിലെ സ്ത്രീകളുടെ വസ്ത്ര ധാരണം പഴയകാലം മുതല്‍ക്കേ പ്രശംസ പിടിച്ചു പറ്റിയ ഒന്നാണ് താനും. ഇടകാലത്ത് ചിലര്‍ അല്‍പ വസ്ത്രധാരികാളായി പ്രത്യക്ഷപ്പെടാരുണ്ടെങ്കിലും, അതെല്ലാം ചില ഒറ്റപ്പെട്ട സംഭവങ്ങളായെ കണ്ടിട്ടുള്ളു. പക്ഷെ , ഇപ്പോള്‍ എന്തിനാണ് കേരളത്തിലെ ഒരു വിഭാഗം സ്തീകളെ മാത്രം ഇത്തരത്തിലൊരു സ്വാതന്ത്രമില്ലയ്മയിലേക്ക് വലിച്ചിഴയ്ക്കുന്നത്. വസ്ത്രധാരണം മാത്രമല്ല ഒരു കൂച്ചു വിലങ്ങും പിറകെ വരുന്നു. എങ്ങനെ സംസാരിക്കണം, എങ്ങനെ പെരുമാറണം (ആരോട് എന്നു വ്യക്തമല്ല) എന്തൊക്കെ ചെയ്യണം...അങ്ങനെ നീളുന്നു കാര്യങ്ങളുടെ പോക്ക്.

കാര്യങ്ങള്‍ ഇങ്ങനെ ഒക്കെ ആയ സ്ഥിതിക്ക് ഒരു ചോദ്യം നമുക്ക് സ്വഭാവികമായും ഉന്നയിക്കാം. ഇപ്പോള്‍ കേരളത്തിലെ മുസ്ലീം സ്ത്രീകള്‍ക്ക് അച്ചടക്കത്തിന്റെ ഒരു കുറവ് വല്ലാതെ അനുഭവപ്പെടുന്നുണ്ടോ..? എവിടെ , ആര് ആരോട് അച്ചടക്കം ലംഘിചിട്ടാണിപ്പോള്‍ സാമുദായിക നെതാക്കന്മ്മരെല്ലാം കൂടി ഇങ്ങനെ ഒരു വല്ലാത്ത (വേണ്ടാത്ത) പെരുമാട്ടച്ചട്ടവുമായി രംഗത്തെത്തിയിരിക്കുന്നത്. സ്ത്രീ സംവരണം എന്നു പറയുന്നത് ചില കാര്യങ്ങളില്‍ മാത്രം പോരാ. എല്ലാ കാര്യങ്ങളിലും വേണം. അല്ലാതെ വീട്ടില്‍ ഒന്ന്, സമൂഹത്തില് മറ്റൊന്ന്, രാഷ്ട്രീയത്തില്‍ എങ്ങും കാണാത്ത കൊറേ അളിഞ്ഞ പെരുമാറ്റച്ചട്ടം. മുസ്ലീം സ്ത്രീകള്‍ അവരുടെ പ്രസ്ഥാനത്തെ സേവിക്കാന്‍ മാത്രമല്ലല്ലോ പ്രവര്‍ത്തിക്കുന്നത്. പൊതു സമുഉഹം എന്നു പറഞ്ഞാല്‍ അവിടെ മുസ്ലീം സ്ത്രീകളും അവരുടെ സമുഉഹവും മാത്രമല്ലല്ലോ, എല്ലാ ജാതി മതവ്യവസ്ഥയും നിലനില്‍ക്കുന്ന കേരളീയ സമൂഹത്തിലാണു ഇത് സംഭവിക്കാന്‍ പോകുന്ന്തെന്നത് കുറച്ചു അങ്കലാപ്പോടെ തന്നെ കാണേണ്ട കാര്യമാണ്.

ഏതു വസ്ത്രം ധരിച്ചാലും അത് മാന്യമാവനം എന്നൊരു വ്യവസ്ഥ വെച്ചാല്‍ പോരെ. വസ്ത്ര നിയന്ത്രണവും, വാക്ക് നിയന്ത്രണവും കൊണ്ട് സ്തീകളുടെ മേലുള്ള കടന്നാക്രമണം മാത്രമല്ല അവരെ ചങ്ങലക്കിട്ടു തന്റെ ഇഷ്ടങ്ങള്‍ക്കൊത്ത് നീങ്ങാനുള്ള ഒരു ചട്ടുകമായും , ഒപ്പം എന്നും പുരുഷന്റെ അടിമയാണ് സ്ത്രീകള്‍ എന്ന വസ്തുത വെളിച്ചത്തു കൊണ്ട് വരുന്നതുമാണ് ഈ നടപടിയിലൂടെ ലീഗ് നേത്രത്വം നമ്മെ സാക്ഷ്യപ്പെടുത്തുന്നത്. ഘോരം ഘോരം വാ തോരാതെ എല്ലായിടത്തും പ്രസംഗിച്ചു നടക്കുന്ന ലീഗ് നേതാക്കള്‍ ഈ കാര്യങ്ങള്‍ ഇതെല്ലം ഒന്ന് ചിന്തിക്കുന്നതും പ്രാവര്‍ത്തികമാക്കുന്നതിന് മുന്‍പ് സ്ത്രീ സമൂഹത്തിന്ടെ അഭിപ്രായം കൂടെ ആരായുന്നതും നല്ലതായിരിക്കും .അല്ലെങ്കില്‍ ഈ നടപടിയിലൂടെ ഏകപക്ഷീയമായ ഒരു ചട്ടം എന്ന പേര് ദോഷം കേള്‍ക്കാന്‍ ഇടവരും. അതുണ്ടാവതിരിക്കട്ടെ എന്നു ഞാന്‍ ആശിക്കുന്നു.

വേണ്ടാതീനങ്ങള്‍ ബ്ലോഗുവഴിയും...

2010-06-03T23:00:00.003-04:00

ഒരാളെ അപമാനിക്കാന്‍ എന്തെല്ലാം മാര്‍ഗ്ഗങ്ങള്‍ നാം ദിവസേനാ തേടാറുണ്ട്. അതെല്ലാം തന്നെ പലപ്പോഴും അതിശയകരമായി വിജയത്തിലെത്തുകയും അതില്‍ നാം സന്തോഷിക്കുകയും ചെയ്യാറുണ്ട്. എതിരാളിയെ തറ പറ്റിക്കാന്‍ കഴിഞ്ഞു എന്ന അതിയായ സന്തോഷവും എതിരാളിയോടുള്ള ഒടുങ്ങാത്ത പകയുമാണ് ഒരാളെ ഇത്തരം കൃത്യങ്ങള്‍ക്ക് പ്രേരിപ്പിക്കുന്നത്. എന്നാല്‍ ഇതുമൂലമ് എതിരാളി എത്ര മാത്രം മാനസിക ബുദ്ധിമുട്ട് അനുഭവിക്കുന്നു എന്ന് പീഡിപ്പിക്കുന്ന ആള്‍ ഒരിക്കല്‍ പോലും ചിന്തിക്കാറുണ്ട് എന്ന് തോന്നുന്നില്ല.

കഴിഞ്ഞ ദിവസം വായിച്ച ഒരു വാര്‍ത്ത കണ്ടപ്പോള്‍ അതിയായ ദുഖവും വല്ലാത്ത അമര്‍ഷവും തോന്നിപ്പോയി. അതും ഒരു സ്ത്രീയെ, എന്ന് വരുമ്പോള്‍ അതിന്റെ തീവ്രത ഊഹിക്കാവുന്നതല്ലെ ഉള്ളു. ടെക്‌നോപാര്‍ക്കില്‍ ഒരു ഐ.ടി സ്ഥാപനത്തിന്റെ ചീഫ് എക്‌സിക്യൂട്ടീവ് ഓഫീസറായി ജോലി നോക്കിവരവേ വേണ്ടാത്ത പണിക്കു പോയി നല്ല ഒന്നാന്തരം ജോലി കളഞ്ഞു കുളിച്ച ഒരു മാന്യദ്ദേഹം അതേ സ്ഥാപനത്തില്‍ ജോലി നോക്കിയിരുന്ന ഒരു യുവതിയുടെ പേരില്‍ ബ്ലോഗ് ചമച്ചു കൊണ്ടാണ് ക്രൂരത തുടങ്ങിയത്. ഇതൊരു പുതിയ കേട്ടറിവും അത്ഭുതവുമായി തോന്നി. ഒപ്പം മാനവും മര്യാദക്കും വല്ലതും എഴുതി പെഴച്ചു പോകുന്ന എന്നെ പോലുള്ളവരുടെ മുഖത്ത് കരി വാരി തേച്ചാണ് അതിയാന്‍ ഈ മാധ്യമകൃത്യം നടത്ത്തിയിരിക്കുന്നതെന്നത് അല്പം ആശങ്ക കു‌ടി സമ്മാനിക്കുന്നതാണ്.

ബ്ലോഗ്‌ എന്നത് സ്വതന്ത്രാവിഷ്കാരമുള്ള നല്ല ഒരു മാധ്യമമായി കാണുവാന്‍ ആളുകള്‍ ഇനിയും ശീലിക്കേണ്ടിയിരിക്കുന്നു. അല്ലാതെ വേണ്ടാതീനങ്ങള്‍ക്കും, കൊള്ളരുതായ്മകള്‍ക്കും പറ്റിയ ഇടമായി അതിനെ മാറ്റുന്നത് കാണുമ്പോള്‍ അതിയായ ദുഖവും വേദനയും തോന്നുന്നു. മറ്റൊരു കാര്യം എടുത്തു പറയേണ്ടുന്നതു ബ്ലോഗ് എന്ന മാധ്യമം വളെരെ അധികം ജനകീയമായി കഴിഞ്ഞിരിക്കുന്നു എന്നത് നാം കാണാതെ പോകരുത്. അത് കൊണ്ടാണല്ലോ കഴിഞ്ഞ ഡി.വൈ,എഫ്.ഐയുടെ സംസ്ഥാന സമ്മേളനത്തില്‍ അണികളോടായി പാര്‍ട്ടി യുവജനപ്രസ്ഥാനം ഇങ്ങനെ ആഹ്വാനം ചെയ്തത് : വെറുതെ ഓര്‍ക്കുട്ടിലും ഫേസ്ബുക്കിലും സമയം കളയാതെ ഉള്ള സമയത്ത് നാല് നല്ല ബ്ലോഗുണ്ടാക്കി ബ്ലോഗാന്‍. ആശയങ്ങള്‍ പ്രചരിപ്പിക്കുവാന്‍ ഇതിലും നല്ല മാര്‍ഗ്ഗം വേറെ ഇല്ലാന്ന് യുവജന സംഘടനയും മനിസിലാക്കിയിരിക്കുന്നു. എന്നാല്‍ അതെല്ലാം നല്ല കാര്യങ്ങള്‍ക്ക് കു‌ടി വേദിയാകാതെ, ഇത്തരം അധമ പ്രവര്ത്തിക്കുള്ള ലൈസന്‍സായി പരിണമിക്കാന്‍ അനുവദിച്ചു കൂടാ.

ഇനി മുതല്‍ ആരെയെങ്കിലും അപമാനിക്കുവാന്‍ തയ്യാറാകുന്നവര്‍ ഒരു ബ്ലോഗ് നിര്‍മ്മിച്ച്‌ വേണ്ടാതീനങ്ങള്‍ പടച്ചു വിട്ടാല്‍ അതിനെ ശക്തമായി തന്നെ നേരിടുകയും, അങ്ങനെയുള്ളവരെ നിയമ വിധേയമായി തന്നെ ശിക്ഷിക്കുകയും വേണം. അതിനു നമ്മുടെ പോലീസ് അധികാരികള്‍ കാണിക്കുന്ന ശുഷ്കാന്തി കുറച്ചു കുറഞ്ഞു പോയില്ലേ എന്നൊരു സന്ദേഹവും ഈ അവസരത്തില്‍ പ്രകടിപ്പിക്കുകയും ചെയ്യുന്നു. അവസാനത്തില്‍ എല്ലാ കാര്യത്തിനുമെന്ന പോലെ ഇവിടെയും കോടതി ഇടപെടേണ്ടി വന്നുവെന്നത് കാര്യത്തിന്റെ ഗൌരവം നമുക്ക് ബോധ്യ്പ്പെടുതതിതരുന്നു. കോടതി ഇടപെട്ടാലെ കാര്യങ്ങള്‍ അതിന്റെ ശരിയായ വഴിക്ക് നീങ്ങുകയുള്ളൂ എന്ന കീഴ്വഴക്കം തുടങ്ങിയിട്ട് കൊറേ കാലമായി. ഇത് മാറേണ്ടിയിരിക്കുന്നു. അല്ലാതെ തന്നെ നിയമത്തെ സംരക്ഷിക്കാന്‍, അതിന്റെ പവിത്രതയോടെ കാര്യങ്ങള്‍ സമാപ്ത്മാകുവാന്‍ സഹായിക്കേണ്ടാവര്‍ കൂടുതല് നല്ല സമീപനം സ്വീകരിക്കണം എന്ന് മാത്രമേ ഈ അവസരത്തില്‍ പറയാനുള്ളൂ. കൂടുതല്‍ പറഞ്ഞിട്ടും കാര്യമില്ല

കയറിപിടുത്തം, ബലാത്സംഗം ഒരു ലൈവ്

2010-05-27T22:00:00.002-04:00

ഈ ചാനലുകാരെ കൊണ്ട് പുറുതി (പൊറുതി) മുട്ടി. എവിടെ തിരിഞ്ഞങ്ങു നോക്കിയാലും അവിടെല്ലാം ചാനലുകാര്‍ മാത്രം. ഇങ്ങനെ പോയാല്‍ ഇത് ശരിയാവൂല്ല. ഞമ്മള് പാത്തും പതുങ്ങിയും ചെയ്യുന്ന കാര്യങ്ങള് ഒരു തടവും മറവുമില്ലാതെ ഇവന്മ്മരിങ്ങനെ പടച്ചുവിട്ടാല്‍ ഞമ്മന്റെ രാഷ്ട്രീയ ഭാവി തന്നെ ചോദ്യ ചിന്ഹമായ ഈ അവസ്ഥയില്‍ ഇനി എന്നാ ചെയ്യും. ഇരുട്ടടി കൊടുക്കാമെന്നു വിചാരിച്ചാല്‍ അതും നടക്കില്ല. നാട്ടാര് കാണൂലെ. ഇനി എന്നാ കാണാനാ, കാണെന്ടതെല്ലാം എല്ലാരും കണ്ടു കഴിഞ്ഞു ചട്ടീം കലോം തേച്ചു കഴുകി കമഴ്ത്തി കഴിഞ്ഞു.

(യുത്ത്) കോണ്‍ഗ്രസ് നേതാക്കള്‍ക്കിതെന്തു പറ്റി (എല്ലാവരും യൂത്താണന്നാ കോണ്‍ഗ്രസുകാര്‍ പറയുന്നത്). ആദ്യം തിവാരി. പുള്ളിക്കാരനും യൂത്താ. തിവാരി തെറ്റെ ചെയ്തിട്ടില്ലന്നാണ് ഭാഷ്യം. പിന്നെ ഹരത്താല്‍ ഹാലപ്പ. സുഹൃത്തിന്റെ ഭാര്യയെ ബലാത്സംഗം ചെയ്തുവെന്നാണ് ഹാലപ്പയ്‌ക്കെതിരെയുള്ള കേസ്. കേറി പിടിച്ചത് ഒടുവില്‍ എല്ലാരും കു‌ടി ബലാത്സംഗം ആക്കിയെന്നു പറഞ്ഞാല്‍ മതിയെന്നാണ് ഹാലപ്പയുടെ അടുത്ത സുഹൃത്തുക്കള്‍ പറയുന്നത്. വല്ലോ കാര്യമുള്ള കാര്യമാണോ..? വിവാദം മൂത്തു കൊഴുത്തപ്പോള്‍ ഹരത്താല്‍ ഹാലപ്പയ്ക്ക് ഹാലപ്പ പോലുമറിയാതെ മന്ത്രിമന്ദിരത്തിലെ പൊറുതി കെട്ടും ഭാണ്ഡവും മുറുക്കി ഇരങ്ങെണ്ടിയും വന്നു. ഒടുവില്‍ ജ്യുഡീഷ്യാല്‍ കസ്ടടിയില്‍ ആയപ്പോള്‍ ഇല്ലാത്ത അസുഖങ്ങളൊക്കെ തലപൊക്കി. ദേ, ഇപ്പൊ സ്വസ്ഥായിട്ടു പുള്ളിക്കാരന്‍ ആസ്പത്രിയില്‍ പാലും മുട്ടേം കഴിച്ചു കിടക്കുന്നു.

അതിനിടയില്‍ നമ്മുടെ സ്വാമി ചില്ലറ പുകിലല്ല ഉണ്ടാക്കിയത്. തന്നെ ചതിച്ചതാണന്നു സ്വാമി. ചതി പറ്റിയതാണന്നു മറ്റൊരു കൂട്ടര്. എല്ലാം നാട്ടാര് മുഴുവനും ലൈവായി കാര്യങ്ങള്‍ കണ്ടു കഴിഞ്ഞപ്പോള്‍ സ്ഥിതി മറ്റൊന്നായി. ഓള് നമ്മുടെ വെറുമൊരു ഭക്തമാത്രമെന്നു സ്വാമി. നടി രഞ്ജിതയും സ്വാമി നിത്യാനന്ദയും ഉള്‍പ്പെട്ട സി.ഡി. ദൃശ്യങ്ങളാണ് ആദ്യം പുറത്തുവന്നത്. ഇപ്പൊ സ്വാമിയും ഗോതമ്പുണ്ട (സോറി. ഇപ്പോള്‍ ഗോതമ്പുണ്ട ഇല്ല എന്നുള്ള കാര്യം, ഈയുള്ളവന്‍ മറന്നു) തിന്നു സുഖമായി അകത്തു കിടക്കുന്നു. എല്ലാം സ്വകാര്യ ചാനലുകാരന്റെ ഒരു വിനോദം. പെട്ടതോ നമ്മുടെ പാവം സ്വാമിയും, ഹാലാപ്പ ചേട്ടനും.

ഹരത്താല്‍ ഹാലപ്പയ്ക്കു പിന്നാലെ കര്‍ണ്ണാടക യൂത്ത്‌കോണ്‍ഗ്രസ് സംസ്ഥാനനേതാവ് രാജ് പ്രതാപ്‌സിങ് ഉള്‍പ്പെട്ട ലൈംഗികദൃശ്യങ്ങള്‍ ഒരു സ്വകാര്യചാനല്‍ പുറത്തുവിട്ടതോടെ കാര്യങ്ങള്‍ പൂര്ത്തിയായി. ദൃശ്യങ്ങള്‍ പുറത്തു വന്നതോടെ അതുവരെ മിണ്ടാതിരുന്ന സ്ത്രീ അലമുറയിടാന്‍ തുടങ്ങി. തന്നെ വഞ്ചിച്ചു... നിര്‍ബന്ദിച്ചു... അതോടെ കരച്ചിലായി. കേസായി. ദൃശ്യങ്ങള്‍ സി.ഡി.യില്‍ പകര്‍ത്തിയതു സംബന്ധിച്ച് ദുരൂഹതയുണ്ടെങ്കിലും ആരോപണവിധേയനായ നേതാവ് ദൃശ്യം വീഡിയോയില്‍ പകര്‍ത്തി തന്നെ ഭീഷണിപ്പെടുത്തുകയായിരുന്നു എന്ന് സ്ത്രീ മൊഴി കൊടുത്തതോടെ നമ്മുടെ നേതാവ് ശരിക്കും കുടുങ്ങി എന്ന് പറയുന്നതാവും ശരി. ഭാരത്താക്കന്മ്മാര്‍ ഗള്‍ഫില്‍ കഷ്ടപ്പെടുമ്പോള്‍ ഇതോപോലെ കണ്ണില്‍ ചോരയില്ലത്തവളുമാര്‍ ഇതല്ല ഇതിനപ്പുറത്തെ തറ പണിയും കാണിക്കും. ഗള്‍ഫ് ഭര്‍ത്താക്കന്‍മ്മാര്‍ ജാഗ്രതൈ..!!

ഇതിഹാസമായി സച്ചിന്‍ ഓപ്പസ്

2010-05-25T10:18:00.004-04:00

ഇതിനകം തന്നെ ഇതിഹാസമായ സച്ചിന്റെ പേരില്‍ മറ്റൊരു പുതുമയുള്ള കാര്യം കൂടി വരുന്നു. ഈപ്രാവശ്യം അതിനു കളമൊരുങ്ങുന്നത് ബ്രിട്ടനില്‍ ആണന്നു മാത്രം. പ്രശതരുടെയും പ്രശസ്ത ക്ലബുകളുടെയും പേരില്‍ ഓപ്പസ് പുറത്തിറക്കി ഇതിനകം പേരെടുത്ത ലണ്ടന്‍ ആസ്ഥാനമായി പ്രവര്‍ത്തിക്കുന്ന ക്രാക്കന്‍ ഓപ്പസ് എന്ന കമ്പനിയാണ് ലിറ്റില്‍ മാസ്റ്റര്‍ എന്ന പേരില്‍ സച്ചിന്‍ തെണ്ടുല്‍ക്കരുടെ ഓപ്പസ് പ്രസിദ്ധീകരിക്കുന്നത്.

എന്താണ് ഓപ്പസ്...?

സച്ചിനെ കുറിച്ചുള്ളതു തന്നെ ഉദാഹരണമായി പറയാം.

ഇതിനോടകം സച്ചിനെക്കുറിച്ചുള്ള എത്രയോ പുസ്തകങ്ങള്‍ നമ്മള്‍ കണ്ടിരിക്കുന്നു. എന്നാല്‍ ഇതിനെ വെറും ഒരു പുസ്തകം എന്ന് മാത്രം പറയുവാന്‍ ആവില്ല. ക്രാക്കന്‍ ഓപ്പസ് ഇതിനോടകം പ്രെസ്ദ്ധീകരിച്ച പുസ്തകങ്ങള്‍ എല്ലാം തന്നെ ഒരാള്‍ ഒറ്റയ്ക്ക് എടുത്താല്‍ ഇമ്മിണി പാട് പെടും.പ്രശനം പുസ്തകത്തിന്റെ വലുപ്പവും ഭാരവും തന്നെ യഥാര്‍ത്ഥ കാരണം. സച്ചിന്‍ ഓപ്പസ് എന്ന പുസ്തകത്തിന്റെ യഥാര്‍ത്ഥ ഭാരം 35 കിലോയും 50 സെന്റീമീറ്ററോളം നീളവും വീതിയുമുള്ള പുസ്തകത്തില്‍ ആയിരത്തിഅഞ്ഞുറിലധികം ഫോട്ടോകളുമുണ്ട്. ഇനിയിപ്പോ ഈ പുസ്തകം നമ്മുടെ കൈയ്യിലെങ്ങാനും കിട്ടിയാല്‍ ഇപ്പോഴത്തെ കേരളത്തിലെ സ്ഥിതി അനുസരിച്ച് നോക്കുകൂലി കൊടുത്തു നമ്മള്‍ മുടിയും. പുസ്തകം അങ്ങനെ സാധാരണക്കാര്‍ക്ക് സ്വപനം കാണാന്‍ മാത്രമേ കഴിയൂ . ആകെ മൊത്തം ടോട്ടല്‍ ലോകത്താകമാനമായി ഈ പുസ്തകത്തിന്റെ 950 കോപ്പികള്‍ മാത്രമേ ലഭ്യമാവൂ എന്നത് മറ്റൊരു പുതുമ.

സച്ചിന്‍ ഓപ്പസിനെ കുറിച്ച് സച്ചിന്‍.

ക്രാക്കന്‍ ഓപ്പസ് എന്ന കമ്പനി ഇതിനു മുന്‍പ് ഡീഗോ മറഡോണ, ഫോര്‍മുലവണ്‍ , മാഞ്ചസ്റ്റര്‍ യുണൈറ്റഡ് ഫുട്‌ബോള്‍ ക്ലബ്ബ്, ആഴ്‌സണല്‍ ഫുട്‌ബോള്‍ക്ലബ്ബ്, ഡിസ്‌നി കോര്‍പ്പറേഷന്‍ , മൈക്കള്‍ ജാക്ക്സന്‍ , ബുര്‍ജു ഖലീഫ എന്നീ ഓപ്പസുകളാണ് പുതുതായി ഇറക്കിയിരിക്കുന്നത്. അതിനൊപ്പം തന്നെയാണ് സച്ചിനെയും അവര്‍ തെരഞ്ഞെടുത്തിരിക്കുന്നത്. സച്ചിന്റെ കൈയൊപ്പോടെ 2011 ലോകകപ്പ് ക്രിക്കറ്റിനു മുന്‍പായി സച്ചിന്‍ ഓപ്പസ് വിപണിയില്‍ എത്തിക്കാനുള്ള കൊണ്ട് പിടിച്ച ശ്രമങ്ങളാണ് ക്രാക്കന്‍ ഓപ്പസിന്റെ ആസ്ഥാനത്ത് നടക്കുന്നത്. ഇതിനകം സച്ചിനെ കുറിച്ച് പുറത്തിറങ്ങിയിരിക്കുന്ന പുസ്തങ്ങളില്‍ ഒന്നും കാണാത്ത മറ്റൊരു വ്യത്യസ്ത ഈ പുസ്തകത്തെ എന്ത് കൊണ്ടും മറ്റുള്ളവയില്‍ നിന്നും ഏറെ മുന്നില്‍ എത്തിക്കുന്നു. അത് മറ്റൊന്നുമല്ല സച്ചിന്‍ തെണ്ടുല്‍ക്കറുടെ ഡി.എന്‍.എ. പ്രൊഫൈലും ഈ പുതിയ പുസ്തകത്തിലുണ്ടാകും. ഇപ്പൊ എങ്ങനെ..?

സച്ചിന്റെ കുട്ടിക്കാലം, അന്നത്തെ രസകരമായ സംഭവങ്ങള്‍ , അച്ഛനെ കുറിച്ചുള്ള ഓര്‍മ്മകള്‍ , നേട്ടങ്ങള്‍ , നഷ്ടങ്ങളും തന്നോടൊപ്പം കളിച്ചവര്‍ , ഇപ്പോള്‍ കളിക്കുന്നവരെക്കുറിച്ചും സച്ചിനുള്ള അഭിപ്രായം, കളിക്കളത്തിലെ എതിരാളികളെക്കുറിച്ചുള്ള ചിന്തകള്‍ എന്നിവയും ഈ പുസ്തകത്തില്‍ കാണാം. ഒപ്പം ആയിരത്തിലധികം ഫോട്ടോകളുടെ വിപുലമായ ശേഖരം എന്നിവ തീര്ചയായുമ് ഈ പുസ്തകത്തെ വ്യത്യസ്തമാക്കാതിരിക്കുമോ..? ആത്മകഥാംശമുള്ള സച്ചിന്‍ ഓപ്പസ്, സച്ചിനെ പോലെ തന്നെ ഒരു സംഭവമാണന്നു ഇപ്പോള്‍ ബോധ്യമായില്ലേ...?

മഞ്ഞലോഹം എന്നും ഒന്നാമന്‍ (ദാരിദ്രത്തിലും...)

2010-05-22T21:31:00.001-04:00

സ്വര്‍ണവില ഇനി എത്ര കുതിച്ചുയര്‍ന്നാലും, തീവിലയായാലും ശരി നമ്മള് വാങ്ങിക്കാനുള്ളത് വാങ്ങിക്കും. അക്ഷയതൃതീയ ദിനത്തില്‍ സ്വര്‍ണം തീവില കൊടുത്തു മേടിചില്ലങ്കില്‍ ഭാഗ്യം എങ്ങാനും പോയ്പോയാലോ എന്ന ഭയം കേരളീയ സമൂഹത്തില് ആഴത്തില്‍ പടര്‍ന്നു പിടിച്ചിരിക്കുന്നു എന്നതിന്റെ തെളിവാണ് ഈ അക്ഷയതൃതീയ ദിനത്തില്‍ നടന്ന വില്പന. മലയാളിയുടെ മാറ്റം കഴിഞ്ഞ കൊറേ വര്‍ഷങ്ങളായി സ്വര്‍ണവ്യാപരത്തില്‍ ഉണ്ടായ വ്യക്തമായ ഈ മാറ്റം വെളിവാക്കുന്നു.

മലയാളിയുടെ ആഭരണ ഭ്രമം ഇന്നും ഇന്നെലെയും തുടങ്ങിയതല്ല. ആദിമകാലം മുതല്‍ക്കെ കേരളത്തിലുള്ള തരിണീമണികള്‍ അണിഞ്ജോരുങ്ങുന്നതില്‍ പ്രത്യേക വൈഭവം ഉള്ളവര്‍ തന്നെയായിരുന്നു എന്ന് കേരള ചരിത്രം പരിശോധിച്ചാല്‍ തന്നെ മനിസിലാകും. അതും മറ്റാള്‍ക്കാരുടെ മുന്‍പില്‍ ഇത്രയും ഷോ അപ് ചെയ്യാനുള്ള പ്രവണത ഈ അടുത്ത കാലത്താണ് ആര്ജിച്ചതെന്നു പറയുന്നതാവും ഏറെ ശരി. എവിടെ നിന്നാണ് നമുക്ക് ഈ മനോഭാവം സാഗതമായത്. എവിടെയും അണിഞ്ഞൊരുങ്ങി എങ്ങേനെയും കൊച്ചമ്മ ചമയുക, എന്നെക്കാളും മികച്ചതായി അയല്‍ക്കാരി ഉടുതോരുങ്ങിയാല്‍ ചങ്ക് തകര്‍ന്നു, വര്‍ദ്ദിച്ച ആകുല ചിത്തത്തോടെ മനസുരുകി കഴിയുന്ന അനേകം വീട്ടമ്മമ്മര് ഉള്ള കേരളത്തില്‍ ആണ് നമ്മള്‍ വസിക്കുന്നെതെന്നു കൂടി ഓര്‍ക്കണം. ഇത് കേരളത്തിലെ മാത്രം സ്ഥിതിയല്ല. മലയാളികള്‍ വസിക്കുന്ന ലോക ഭൂപടത്തിലെ മൊത്തം തരുണീ മണികളുടെ ദൌര്‍ബല്യം നിറഞ്ഞ മനസ്സ് ഇത്തരം കാര്യങ്ങളില്‍ ഉടക്കി പോകുന്നു എങ്കില്‍ അത് ഒരു യാഥാര്ത്യത്തിന്റെ നേരിയ മുഖം മാത്രം.

കുറ്റം ആരുടെതെന്ന് ചോദിച്ചാല്‍ , എങ്ങനെ സ്ത്രീകളെ മാത്രം കുറ്റം പറയും. വിപണി മുന്നില്‍ കണ്ടു ജ്യൂവലറി കടക്കാര്‍ മത്സരിച്ചു ടെലീവിഷനുകലിലൂടെ പടച്ചു വിടുന്ന പരസ്യം കണ്ടാല്‍ ഇളകി പോകുന്ന മനസാണ് നമ്മുടെ പാവം സ്ത്രീകളുടെതെന്ന് ആരെ പോലെയും അവര്‍ക്കറിയാം. പരസ്യ നിര്‍മ്മതിക്കാര്‍ അതിനെ ചൂ ഷണം ചെയ്യാന്‍ സഹായകമാകും വിധമാണ് അവരുടെ കര്മ്മമെഖലയില്‍ വ്യാപ്ര്യ്തരായിരിക്കുന്നത്. എടുത്താല്‍ പൊങ്ങാത്ത സ്വര്‍ണ്ണം കഴുത്തിലും അരയിലും അണിഞ്ഞു മായ ലോകത്ത് എന്നത് പോലെ, വന്നു മുന്നില്‍ പ്രത്യക്ഷപ്പെടുമ്പോള്‍ ആരായാലും ഒന്നിളകും. അപ്പോള്‍ ഒരു ഇത്തിരി പോന്നു അത് അക്ഷയ ത്രിതീയയാട്ടു വാങ്ങി കഴിത്ത്തിലും കൈയ്യിലും ഇട്ടാല്‍ ആര്‍ക്കാണ് കുറ്റം പറയുവാനാവുക.

മഞ്ഞ ലോഹത്തിന്റെ വില ഇനി എത്ര ഉയര്‍ന്നാലും, ആളുകള്‍ അത് വങ്ങും,അണിയും. അതിനു ഉത്തമ ഉദാഹരണമാണ് ഈ വര്‍ഷം അക്ഷയ ത്രിതീയദിനത്തില്‍ കേരളത്തിലെ സ്വര്‍ണ്ണകടകലുറെ മുന്‍പില്‍ അതികാലത്ത് ആറു മണിക്ക് തന്നെ നീണ്ട ക്യൂവുമ് ഉന്തും തള്ളും ചവിട്ടും കൊണ്ട് നാരിമാര്‍ തങ്ങളുടെ ഭാഗ്യവും ഒപ്പം ഉള്ള കാശിനു കിട്ടാവുന്ന മഞ്ഞ ലോഹം മേടിച്ചു അരയില്‍ തിരുകി പോകുന്ന കാഴ്ച ഒന്ന് കാണേണ്ടത് തന്നെയായിരുന്നു. അത് കണ്ണിനു കുളിര്‍മ്മ നല്‍കുന്നതാണോ എന്ന് ചോദിച്ചാല്‍ ... അറിയില്ല.

പേരാമ്പ്രയില്‍ കാട്ടിയത് ഛെ..ഛീ.. മോശം..!!

2010-05-21T22:50:00.003-04:00

പേരാമ്പ്രയില്‍ പ്രമുഖ പരിസ്ഥിതി പ്രവര്‍ത്തകനും എഴുത്തുകാരനുമായ സി.ആര്‍ .നീലകണ്ഠനെ ആക്രമിച്ചത് എന്തിന്റെ പേരിലായാലും ന്യായീകരിക്കാന്‍ പറ്റാത്ത ഒരു കാര്യമാണ്. നീലകണ്ഠനെപ്പോലുള്ളവര്‍ ഉയര്‍ത്തിക്കാട്ടുന്ന പ്രശ്‌നത്തിന്റെ സത്യാവസ്തയ്ക്ക് മുകളില്‍ കറുത്ത മുഖമൂടി അണിഞ്ഞു എത്ര നാള്‍ ഇങ്ങനെ ഭരിക്കും. എന്ത് തന്നെയായാലും ഈ ആക്രമണം അഭിപ്രായ സ്വാതന്ത്ര്യത്തിനു മേലുള്ള വെല്ലുവിളിയായി വ്യാഖ്യാനിക്കപ്പെടുന്നെങ്കില്‍ അതിനെ കുറ്റം പറയാനോ കണ്ടില്ലന്നു നടിക്കാനോ പ്രസ്തുത പ്രസ്ഥാനത്തിന് കഴിയുമോ. പാവങ്ങള്‍ക്ക് വേണ്ടി പ്രസംഗിക്കുകയും ജീവിക്കുകയും ജനങ്ങള്‍ക്കുവേണ്ടി വാദിക്കുന്നവര്‍ക്കു നേരെ, കയ്യേറ്റം നടത്തുന്നത് എന്തിന്റെ പേരിലായാലും പാവങ്ങള്‍ക്ക് വേണ്ടിയുള്ള പ്രസ്ഥാനം എന്ന് ഊണിലും ഉറക്കത്തിലും ഊറ്റംകൊള്ളുന്നവര്‍ ഒന്ന് ഇരുന്നു ചിന്തിക്കുന്നത് നല്ലതായിരിക്കും. ആരെ ബോധിപ്പിക്കുവാന്‍ വേണ്ടിയാണീ കടുംകൈക്കു കൂട്ടു നില്‍ക്കുന്നത്.

ജനങ്ങള്‍ക്ക്‌ വേണ്ടിയാണീ കാട്ടികൂട്ടലുകള്‍ എല്ലാം എങ്കില്‍ ജനങ്ങള്‍ ഇങ്ങനെയുള്ളവരെ ഒറ്റപെടുത്തിയ ചരിത്രം ഒരുപാടു നമ്മുടെ മുന്‍പില്‍ തെളിഞ്ഞു നില്‍ക്കുന്നത് കാണാതിരിക്കാന്‍ മാത്രം അന്ധരാണോ ഈ പ്രസ്ഥാനത്തെ നയിക്കുന്നവര്‍ . തിമിരം ബാധിച്ചാല്‍ ചികിത്സിക്കണം. അല്ലാതെ അത് കൊണ്ട് നടന്നു കൂടുതല് വഷളായി ഒന്നും കാണാതെ തപ്പി തടഞ്ഞു വീണാല്‍ ആ വീഴ്ച വലുതും ആഗാധത്തിലെക്കുമാകുമെന്നു കണ്ടു തിരുത്തലുകള്‍ നടത്തുന്നത് കാലത്തിനനുസരിച്ചുള്ള മാറ്റമായി കണ്ടു കൂടുതല് അനുയായികള്‍ എന്നും കൂടെ ഉണ്ടാവുമെന്ന് ആരും പറയ്യാതെ തന്നെ തിരിച്ചറിയാനുള്ള ശേഷി എങ്കിലും പ്രാപ്തമാകണം.

അഭിപ്രായ സ്വാതന്ത്ര്യം ജനാധിപത്യത്തിന്റെ അടിസ്ഥാനശിലയാണ്. അത് നമ്മുടെ ഭരണഘടന നമുക്ക് നല്‍കുന്നു എന്ന് നാം എപ്പോഴും പറഞ്ഞു നടക്കുന്ന വലിയ കാര്യങ്ങളില്‍ ഒന്നാണ് താനും. അതിനെ ഇല്ലാതാക്കുന്ന ഏകാധിപത്യ പ്രവണതയായി വേണം പേരാമ്പ്ര സംഭവത്തെ കാണാന്‍. ആര്‍ക്കു വേണ്ടിയാണിതെല്ലാം...? ചിലരുടെ സ്വാര്‍ത്ഥ താത്പര്യങ്ങള്‍ക്ക് വേണ്ടി പാര്‍ട്ടിയുടെ മുല്യങ്ങളും ആദര്‍ശങ്ങളും ഇങ്ങനെ പൊതുനിരത്തില്‍ വലിച്ചെറിയുന്നത് ഏതൊരു സാധാരണക്കാരനായ പാര്‍ട്ടി പ്രവര്‍ത്തകനും വിഷമവും അതിലധികം വേദനയും ജനിപ്പിക്കുന്ന സംഭവമാണ്.

ഒരു നിമിഷം സാധാരണക്കാരെ മനിസിലാക്കാന്‍ കൂടി പ്രസ്ഥാനങ്ങള്‍ (ആന പുറത്ത് കയറി ഇരിക്കുന്നവര്‍ ) തയ്യാറാവണം, അല്ലെങ്കില്‍ അതിനുള്ള മനസെങ്കിലും കാണിക്കണം.

പയ്യന്നൂരില്‍ സക്കറിയയ്ക്ക് നേരെയും കിനാലൂരില്‍ ജനങ്ങള്‍ക്കുനേരെയും ഇപ്പോള്‍ സി.ആറിന് നേരെയും നടന്ന ആക്രമണങ്ങള്‍ ഇതിനുതെളിവാണ്. ജങ്ങള്‍ക്ക് വേണ്ടി വാദിക്കുന്നവര്‍ക്ക് നേരെ ഇനിയും ഇതുപോലെയുള്ള അപലനീയമായ സംഭവങ്ങള്‍ ഉണ്ട്ടാകതിരിപ്പാനും, അതിനുത്തര വാദികളായവരെ കണ്ടുപിടിച്ചു ശിക്ഷിച്ചു മാതൃക കാട്ടുകയും വേണം. ആശയപരമായി എതിര്‍ക്കുന്നവരെ ആശയപരമായി നേരിടാനുള്ള ശേഷിയാണ് ഇത്തരക്കാര്‍ ആദ്യം ആര്ജ്ജിക്കേണ്ടത് അല്ലാതെ അതിനെ കായികമായി നേരിടുന്നത് സ്റ്റാലിനിസ്റ്റ് മനോഭാവത്തിന്റെ ചീഞ്ഞു നാറിയ വികൃത മുഖമായി ചിതീകരിക്കാന് ശത്രുക്കള്‍ക്ക് വേദി തുറന്നു കൊടുക്കാനെ ഉപകരപെടുകയുള്ളൂ. ഒരു എളിയ അനുഭാവി എന്ന നിലയില്‍ അതുണ്ടാവാതിരിക്കട്ടെ എന്ന് ആശിക്കുന്നു.

നടി ഷക്കീല പങ്കെടുക്കും

2010-05-20T08:56:00.012-04:00

തൊടുപുഴ ബ്ലോഗ്ഗ് മീറ്റില്‍ കേരളത്തില്‍ മാത്രമല്ല എല്ലായിടത്തും പേരും പെരുമയും ഉള്ള നടി (എന്‍റെ സുഹൃത്ത് അല്ല അതിനു കുഴപ്പമില്ലല്ലോ) ഷക്കീലയെ പങ്കെടുപ്പിക്കാന്‍ കൊണ്ട് പിടിച്ചുള്ള ശ്രമങ്ങള്‍ നടന്നോണ്ടിരിക്കുകയാണ്. ഷക്കീല ഒരു ബ്ലോഗറല്ല. ബ്ലോഗറാകാന്‍ താത്പര്യമുള്ള ആളാണ്‌. നമുക്ക് ഒരു പുതിയ ബ്ലോഗറേയും കിട്ടും .... അത് മീറ്റിനു നല്ല ഒരു നടനാനുഭവവും നയനാനുഭാവും പകരും. ഒരുപക്ഷേ ഷക്കീലയുടെ കിന്നാരത്തുമ്പികള്‍ , ഡ്രൈവിംഗ് സ്കൂള്, എന്നീ പേരെടുത്ത സിനിമകള്‍ ഞാന്‍ പറയാതെ തന്നെ നിങ്ങള്‍ക്ക് വളരെ അധികം സുപരിചിതമായിരിക്കും എന്നാലും ഈ നടിയെ ഒന്ന് നേരില്‍ കാണാനും. ഈ സിനിമാനുഭവങ്ങള്‍ നേരില്‍ ഒന്ന് പറഞ്ഞ് കേള്‍ക്കാനും ആഗ്രഹിക്കാത്തവരായി ആരും കാണാതിരിക്കില്ല. അവര്‍ക്ക് ഈ അവസരം പ്രയോജനപ്രദമാകും.

ഇതൊരു തമാശ പോസ്ടായി കണ്ടു വേണേ കമന്റിടാന്‍. ആരെയും കളിയാക്കാന്‍ വേണ്ടിയല്ല ഇത്തരം ഒരു പോസ്റ്റ്‌. ഇതിന്റെ പേരില്‍ ഒരു അനാവശ്യ വിവാദത്തിലെക്കും ഞാന്‍ ഇല്ല. അല്ലെങ്കില്‍ തന്നെ എന്നെ ഉള്‍കൊള്ളാനാവാത്ത ഒരുപാട് പേരുണ്ട് ഈ ബൂലോഗത്ത്‌. തൊടുപുഴ മീറ്റിനു എല്ലാ വിധ സപ്പോര്‍ട്ടും നല്‍കുന്നു. നാട്ടിലില്ലാത്തതിനാല്‍ മീറ്റാന്‍ പറ്റാത്തതിനാല്‍ ഒരുപാട് വിഷമമുണ്ട്.
എന്തായാലും തൊടുപുഴ മീറ്റ് അടിപൊളിയാകുമെന്നതില്‍ സംശയം ഏതുമില്ല.

തൊടുപുഴ മീറ്റിനു എല്ലാവിധ ആശംസകളും

ക്രിസ്റ്റീന അഗ്യുലേറയുടെ ശരീരശാസ്ത്രം

2010-05-14T23:32:00.004-04:00

ഒരു കുട്ടിയുടെ അമ്മയായ ഈ സ്ത്രീക്കു ഇതിന്റെ വല്ല ആവശ്യവും ഉണ്ടോ എന്ന് നമ്മള്‍ സംശയിച്ചേക്കാം. പക്ഷെ കാര്യങ്ങള്‍ ഡോളെര്‍സ്, മണി മണി പോലെ പാക്കറ്റില്‍ വന്നു വീണാല്‍ തുണിയല്ല എല്ലാം ഊരിയെറിയുമെന്നു ഇപ്പോള്‍ ബോധ്യപ്പെടുത്തുന്ന രീതിയിലാണു പ്രശസ്ത ഗായിക ക്രിസ്റ്റീന അഗ്യുലേറ ഒരല്പം പോലും നാണം മറയ്ക്കാനില്ലാതെ "ജിക്യൂ " എന്ന മാഗസിന്‍ കവറില്‍ പ്രത്യക്ഷപ്പെട്ടിരിക്കുന്നത്.

"ജിക്യൂ" മാഗസിന്റെ വരാനിരിക്കുന്ന ലക്കത്തിലാണ് ക്രിസ്റ്റീന അഗ്യുലേറ തുണിയൂരി (ഒരു മരുന്നിനു പോലും) പ്രത്യക്ഷപ്പെട്ടിരിക്കുന്നത്. ഒരു മതിലില്‍ ചാരി, മുലകളില്‍ കൈ മറച്ചുപിടിച്ചു മുഖമുയര്‍ത്തി ബൂട്ടണിഞാണ് ക്രിസ്റ്റീന ഫോട്ടോയ്ക്ക് പോസ് ചെയ്തിരിക്കുന്നത്. ബൂട്ടും കൈയുറയും കൂടി മാറ്റിയാല്‍ പരിപൂര്ണ്ണം എന്ന് തന്നെ വിശേഷിപ്പിക്കാം.

"ബിയോനിക്ക്" എന്ന ക്രിസ്റ്റീനയുടെ പുതിയ ആലബം ജുണില്‍ (എട്ടാം തിയതി) പുറത്തിറങ്ങുകയാണ്. ഇതിനോടകം തന്നെ ലക്ഷക്കണക്കിന് കോപ്പികളാണ് ഓന്‍-ലൈനില്‍ കൂടി മാത്രം ബുക്ക് ചെയ്യപ്പെട്ടിരിക്കുന്നത്. ലക്ഷക്കണക്കിന് ആരാധകരുള്ള ക്രിസ്റ്റീനയുടെ കവര്‍ പേജോടെ പുറത്തിറങ്ങുന്ന മാഗസിന്‍ ഇതിനകം തന്നെ ചര്‍ച്ചാവിഷയമായി കഴിഞ്ഞു. ഇതിന്റെ പുറത്തുവരവോടെ മാഗസിന്റെ ജുണ്‍ മാസത്തെ മൊത്തം വില്പനയില്‍ രണ്ടിരട്ടി ലാഭമാണ് ജിക്യൂ ലക്ഷ്യമിടുന്നതു.

തന്റെ ജുണില്‍ പുറത്തിറങ്ങുന്ന ആല്‍ബത്തിന്റെ ആധികാരിമായ വിജയത്തിനു വേണ്ടിയാണ് ക്രിസ്റ്റീന ഈ വേണ്ടാത്ത പണിക്കു പോയതെന്നാണ് ഒരു കൂട്ടരുടെ വാദം. എന്ത് തന്നെയാലും ക്രിസ്റ്റീനയുടെ തുണിയൂരിയ ചിത്രം കളറിലല്ല എന്ന ഒരു വിഷമത്തോടെ വേണം അതുവാങ്ങി ആസ്വദിക്കുവാന്‍ എന്നുള്ളതാണ് ഈയുള്ളവനെ കുഴയ്ക്കുന്ന പ്രശനം. ങാ, ജുണിനിയും അധിക ദിവസമില്ലല്ലോ എന്ന ഒറ്റ ആശ്വാസം മാത്രം. എന്നാലും ദിവസങ്ങള്‍ ഇഴഞ്ഞു നീങ്ങുന്നത്‌ പോലെ...

ക്രിസ്റ്റീന അഗ്യുലേറയുടെ ജുണില്‍

പുറത്തിറങ്ങുന്ന ആലബത്തിന്റെ ട്രാക്ക് ലിസ്റ്റിംഗ്

BIONIC – DELUXE EDITION TRACK LISTING

1. Bionic
2. Not Myself Tonight
3. Woohoo feat. Nicki Minaj
4. Elastic Love
5. Desnudate
6. Love & Glamour (intro)
7. Glam
8. Prima Donna
9. Morning Dessert (intro)
10. Sex For Breakfast
11. Lift Me Up
12. My Heart (Intro)
13. All I Need
14. I Am
15. You Lost Me
16. I Hate Boys
17. My Girls feat. Peaches
18. Vanity
19. Monday Morning
20. Bobblehead
21. Birds Of Prey
22. Stronger Than Ever
23. I Am (Stripped)

ക്രിസ്റ്റീന അഗ്യുലേറയുടെ വെബ് സൈറ്റ്

http://www.christinaaguilera.com/